Kunokon
SATURDAY: July 08, 2017
SIFAC:”Oruh in Muhtahlacna Ke Pacl In Tuhpan”
MWE READ: 2 Peter 3:11-16
Pusral Peter ke letter akulo lal nsin met Christian wial in kulansap u pa kanon mwe read se ke Satte inge.
Ke sripen luti stuhuh, moulkinyen moul fokfok lalos panang el simis letter akluo se inge suc el finsrakina in na tuh in ikasla mutalos in asmaklac. Sie ma Yok ke fosak inmasrlolos pa yokyokelik na srumunya lah Jesus el a tia foloko. Sripa inge panang Peter elan srike na in supalik letter lal akasmakinyelos ke ma stuhuh ma elos akfasrye ke moul in christian lalos.
Peter el akilen ma kuluk ma yokyokelik inmasrlon met Christian wial inge nukewa panang el srike in fakak kais sie ma ma ac tu sang kalem lalos in etu la pia napaye ma fal elos in moulkin. El srumun ke luti lal Paul suc el fak oayapa lah ke Leum God el sang moul lalos enenu elos in auliyak ac esam ke mongfisresr lun Jesus ke el moul. Lela elos in aknasnasyela ma fokfok nukewa elos moulkin. Moul lula lalos nofon in mutal ac in kisakinyukyang nusim God nofon.
Ma Peter el sensenkin ac srike in tulokin inge finne som nuselos in pal sac tusruk lela in tutafma nusesr msenge ke sripen ma inge nukewa pa kt akilen inmasrlosr misenge. Lela kut in wi eis ke kas in asmak lal in akeyekut in esam lah wangin olela lal ke molela nuselos su tafela na in moulkin moul fokfok. Ke ma inge lela kut in orekmakin kuh ma asr yorosr, etu ma kt eis ne ke pal senge a kisakunang nusel. Fin oinge na kt a ku in wi moulac in len in nununku.
Sepe Arthur Kalis
