Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Tia pac na eklac nusesr misenge in kwafeacng in suk ke Leum Christ. Pacl se ma lung kulang lun God putat nufacsr, paye lah arulana pus ma wo e tufwa sikyak. Ma su ma kut pangon mu wo meet, tia fwal nuke moul sasu se in Christ.

Kunokon

Saturday July 30 2016
Sifac: Kwafeacng Nuh Meet Ke Christ
Mwe Read: Philippi 3:7-14

Surleigh Y. Tara
Surleigh Y. Tara

Mwe read se inge akkalemye ke eklac lun nunak lal Paul tukin Leum Christ El siklac nusel ke fufasryusr lal ke inkanek Damascus (Orekma 9). Paul el sang kewa lulalfongi lal nusin Leum Jesus ac in fasr tukun akwuck ac kolyuck Lal suc ma el oacwacllah pac mu el sie tulik nutin God. Pa inge sie mwenmwen suc ma liksreni na ikullah nunak lal Paul ke sripen lung kulang lun God suc ma srakna akfasryeyuck neke pacl misenge uh. Yohkiyac na pacl se ma mwet se fwakack ma sufal lal ac in suk ke lung kulang se inge. Tukin Leum El siklac nusel Paul, pa inge pacl se ma Paul el ku in akilenaack ma sufal puspus yorol suc ma el pangon mu ma fwal in akfasryeyuck. Orekma sufal lal inge el tufwa ku in akilen lac yohk fototolac lal nuke ma se el pangon mu wo in akfasryeyuck ke pacl meet ah.  Ma tuku yohk ke osun se lal Paul nusin Leum inge pa el pulakin ma wolana puspus in el pa kalem ke mukuikui lal. Paye lah oasr puhla lal nuke ma suc el tui in akfasrye, tusruktuh ma inge tia apkuran nuke ma wo suc el pulakin ke moul sasu se lal.

Tia pac na eklac nusesr misenge in kwafeacng in suk ke Leum Christ. Pacl se ma lung kulang lun God putat nufacsr, paye lah arulana pus ma wo e tufwa sikyak. Ma su ma kut pangon mu wo meet, tia fwal nuke moul sasu se in Christ. Moul kin lulalfongi ke Leum Christ ase yohk nusesr in akilen wolana ke kulang lun God.  Kut e fwa tia kuh in pulakin moul wo sasu se kut fin sruokyacna moul matu suc kut pahllah ke. Meyen moul sasu in Leum Christ se inge enenu mwet se in kwafeang in fwasr ke akwuck ac kolyuck lun God suc ma enenu in fwal nuke ma suc God El lungse ac akiyac kut in fwasr kac. Ma inge pa akkalemyeyuck ke ma sumusla weang in prue siyuck ke Ngun Mutal in ikacslah mutun insiacsr in kalem kac.  Na kut fin oru ouinge, e tufwa oasr kalmeyacn kwacfeacng lun kais sie mwet.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.