Book lun Ezekiel kalem mu simlac sel Ezekiel, wen nahtuhl Buzi, sie Met Tohl Fuhlact in acn Zadokite suh pahngyak sin God in oru orekma luhn Met Pahluh In acn Jerusalem ac Babylon in pulan pacl in SROHOH (exile) luhn met Israel fwin acn Babylon. Book se inge simlac in yeac 571 B.C. nu sin Met Jew in srohoh Babylon.

Met Israel, ku fwinne Met Judah, eis mactan ma koluk ac seakos lalos nu sin God ke ma koluk elos oru pacnacng elos in pulakin ma upac ku me keok yok tu God El tiacna sisuloslac.

In oacna ke tuku ke sifac se inge, “Israel Ahkfuhlactyeyuk Ke Sahflahiyac”; pa sripen pahngyak lal Ezekiel elan sulkackin nu sin met Israel wi mutun fwacl saye nukewa elos in long ke ahkohoh lun God in sang kaiyuk lal nu selos oacyacpac elan sulkackin molela Lal nu sin met lal suh ac fwah tuku.

Me read se inge lumeyuk nuke “Kapack Lun Sie Le Sahk Sasuh” suh ac fwah yoki kapack lahelik arulacna yok suh ac fwah isus fwahko ac sang nien muta wowo luhn won yen engyeng uh. Kusen pahluh se inge lumeyuk nuke sie Tokosrai sasu ma ac tuyak kol fwacluh wangin saflahiyac. Le sahk sasu se inge pa Jesus Christ ac Tokosrai Lal suh ac fwah tuku Israel me suh ac fwah ahkfuhlactyeyuk sin mutun fwacl nukewa.

Ma kut in etu ke le sahk sasu se inge u pa el ac kap na kap tiac kuh in maslah. Kut in etu lah ma God El oru u ac fwah wacngin sie fwaclu ac inkusrao ku in sikulyac. Muta na in luhngse luhn God in pacl nukewa.

Kalis Obet