Kunokon

Saturday July 2 2016
Sifac: Koluk Lain Suwohswohs
Mwe Read: Isaiah 26:1-12

On soko ma yuckyuck fin acn Judah inge akkalemye ma suc ma eklac nuke wo. Kutu ma inge pa elos suc inse pusisacl, elos e tufwa leumtuhlack ac na elos suc inse fulat e tufwa pula ma upac.  Na elos suc ma e moulla, elos e tufwa pulakin mwe insewowo suc ma kalem kac molellah nuselos suc muta in iwen kalkal lun Jerusalem.  Motonoac iwen kalkal lun Jerusalem e tufwa ikaklah nusin mwet lulalfongi ke sripen akosten lalos. Ac mutun facl sayac e tufwa oasr tokosrai lalos, tusruk elos mwet lulalfongi uh e tufwa itukyang kunokon wowo lalos inmasrlon mwet uh.  Elos suc lulalfongi ke God e tufwa pulakin engan a mislac. Ke sripac se inge, arulana kafweyuck mwet lulalfongi uh akos akwuck ac lungse lun God meyen, God El ku oana Eot kuh ac kawil se.

Nu selos suc moulkin inse fulat e tufwa akpusisaclyeyuck yohk na ma ke elos tia lulalfongi ke Leum God. Elos inge e oacyacpac pulakin keok and kacoh ke sripen tia suwos in mukuikui lalos. Pa inge pac sie akul ma akkelemye ekla lun ma wo nuke ma koluk.  God El nununku elos suc inse fulat ac tia liacng elos suc oasr enenu la kuh sukasrup. Tia kalmeyacn fwak se inge pa, Isaiah el tia akkeye elos in muta na in sukasrup.  El srike in akkalemye akwuck lun God ke ma sumuslah uh suc ma akkalemye la God El lungse mwet uh in liacng elos suc wangin kasrpeyac. Elos fin fwasr ke ma inge, God pa e loangelos lac uh. Suc ma on soko inge akkalemye na lac lango kut molellah e putat nufin elos suc akos akwuck lun God ke tia kuh lalos sifacnna a ke sripen kuh suc ma God El akfasrye in elos. Ke ouinge uh, elos inge fungyang na nusin God in ma nukewa.

Nusesr misenge in kalem kac lac, elos suc ma tia fasr ke akwuck lun God uh, elos tia pac akilen wolana suc ma God El akfasrye. Ma elos pulakin mukena uh pa nununku lun God suc ma putat nufaclos.  Kut enenu in kalem kac lac, lung kulang lun God uh akkalemyeyuck nuselos suc akos ac fasr ke akwuck lun God. Ma enenu yohk se uh pa kut enenu in moulkin akwuck lun God suc ma e kalem ke kasrpeyasr a mukuikui lun sie sin sie.