Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

"God El konela mutalos Ac kaliya nunak lalos, Tuh mutalos fah tia liye. Ac nunak lalos fah tia kalem Ac elos fah tia forma nu sik, God El fahk, Tuh ngan akkeyalos liki mas lalos."

Kunokon

Saturday – July 16, 2016
Sifac:  Luhlahlfongina Ke Christ
Ma Simlac: John 12:40-50

40“God El konela mutalos Ac kaliya nunak lalos, Tuh mutalos fah tia liye. Ac nunak lalos fah tia kalem Ac elos fah tia forma nu sik, God El fahk, Tuh ngan akkeyalos liki mas lalos.”  41Isaiah el fak ma inge mweyen el liye wolana lun Jesus, ac el kaskas kacl.

42In pacl sac, mwet fulat puspis sin mwet Jew lulalfongi ke Jesus.  Tusruktu ke sripen mwet Pharisee, elos tia sramsramkin lemtulauk, mweyen elos tia lungse in sisila elos liki iwen lolngok.  43Elos lungse tuh mwet uh in kaksakunulos, liki elos in eis kaksak sin God.

44Jesus el fahk ke sie pursra lulap, “El suc lulalfongiyu el tia lulalfongiyu mukena, a el oayapa lulalfongi ke El su supweyume.  45El su liyeyu, el liyal pac El su supweyume.  46Nga tuku nu faclu oana kalem se, tuh elos nukewa su filiya lulalfongi lalos in nga, fah tia mutana in losr.  47Kutena mwet fin long kas luk ac tia akos, nga fah tia nununkal.  Nga tia tuku in nununku faclu, a in molela.  48El su tia eisyu ac tia eis kas luk, oasr sie su ac fah nununkal.  Kas ma nga fahkak uh pa ac nununkal ke len safla!  49Mwe luti luk uh tia ma sik sifacna, a Papa su supweyume pa sapkin nu suk ma nga in fahk ac kaskkaskin.  50Nga etu la ma El sapkin uh ma a ase moul ma pahtpaht.  Ke ma inge, nga fahk oan ma Papa El fahk nu sik.”

Akkuteya:

Mwe read se inge sikyak in akkalemye lulalfongi  ac sulalfongi inmasrlon mwet Jew.  Finne Leum Jesus El akfasrye mwenmwen puspis ye mutalos, elos srackpacna tia filiyac lulalfongi lalos nusin Leum.  Sulalfongi lun mwet inge akpayeyellah kahs in pahluh lal Isaiah.  Suc ma God El sapkin nusel Isaiah (Isaiah 6:9-10) elan fulelah mwet inge in tia forla liki ma koluk suc ma elos oasr. Elos in mutana ac in sikaleni in oru ma koluk.  Meyen elos fin forla, elos e tia putatyang nuke nununku.  Sripac se inge uh pa, God El ke in kalem lah, nunak munas nuke ma koluh uh, ac mwet in forlah liki ma koluk uh, ma inge ma akfasryeyuck sin Jeovah God mukena efin God El lelah in sikyak.  Se akosten lun mwet uh sang nunak tafonglah se muh elos fin lungse auliyak, na elos tufwa forlah. Tusruktu, ma se mwet uh tafonglac ke uh pa, God El fin tia lelah, forlah lalos uh e wangin sripac.

Mwe read se inge oacyacpac akkalemye lah, John el srike in akkalemye lac mwet kol lun mwet Jew, elos lulalfongi luti lun Leum inge. Tusruktu ke sripen srangesr long kahs lun uh se pangpang Pharisee, elos elyac muh, Pharisee inge elos e esla kunokon lun mwet kol inge. Na efu elos in elyac ke fwak lun Pharisee uh?  Uh se inge pa wil oacwaclah muh mwet an sumatlah ke ma sap itukyang nusin mwet Jew. Pacnacng mwet kol in pacl soh, arulan epacl nuselos. Pa mwe read se inge akkalemye lac mwet in pacl soh suk in akos Pharisee yohk liki na in akos luti lun Leum Jesus inge.

Ke sripen Ma Sap itukyang nusin mwet Jew inge, elos etu lah ma sel Moses suc ma tuku yurin Jeovah (Yahweh) God.  Pa oru Leum Jesus El srike in lotelos in kalem kac lac ma El fwak in ma tuku yurin Jeovah (Yahweh) God.  Leum El fwak oinge elos in ku in ikaslah nuselos in fwal nuke kalem lalos ke mwe lutlut inge.  Elos suc ma liye Wen Nutin God oacpacna elos in liye El suc supaclma suc pa God Papa.  Wen Nutin God El pa kalem nu fin faclu in tohlack elos suc muta in losr.  Elos suc muta in losr, elos tia kuh in akilen ma elos oasr kac. Kalem uh enenu nusin mwet uh in akilen ma elos oasr kac.  Kalem se inge pac Kahs Lun God suc pac Leum Jesus Christ.

Leum El oayacpac fwak lac, elos suc long ke Kahs Lal inge, ac tufwa tia nununkeyuck.  Elos fin long ac sang lulalfongi lalos nusin Leum, elos fwak eis wolana ac pulakin mwe insewowo. Pacl se inge pacl in sulacllah se lac elos e fasr kac ku tia.  Tusruktuh, elos suc ma sulacllah in tia akos Kahs lun Leum inge, e tufwa nununkeyuk ke tuku se tok lun Leum. Pa inge nunuku saflah nuselos suc srangesr long Kahs.  Pa e kalem ke saflahiyen faclu ma Bible uh sramsram kin Acn in E Fihrihr ma pahtpat.

Nusesr misenge uh pa, kut in tiana tafonglah in nunku muh oasr ku sesr. Lulalfongi ke Leum Jesus Christ pa e ase molelah nusesr.  Ke sripen lungse yohk lun God, El supama Wen Sefanna Natul in molikut lac. Ac kut fin srangesr long kas, God El ac kaliyac mutun insiacsr kut in tia akilen moul sufal lasr ac in tia kalem ke Kahs Wolana Lal. Ke ma inge, e tufwa upac nusesr in wi forla liki ma koluk lasr kut in muh wi pulakin mwe insewowo.  Kut enenu in pusisacl lah ac prue ac siyuck sin God Fulatlana Elan nunak munas nusesr ke sufallac ac fototolac lasr. Kut in lulalfongi ke Christ lac El pa inkanek in molela sefanna nusin mwet. In oana on sim soko ma fwak muh, “Suk Tuh In Moul”. Kut fin suk ke lulalfongi se inge, kut e tufwa konauk ke molela se ma akfasryeyucklac tari sin Leum Jesus.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.