Kunokon
Saturday June 25 2016
Sifac: Suk Ma Wo ac Ma Pwacye
Mwe Read: Amos 5:10-15
Mwe read se inge akkuteya la Mwet Pahluh Amos el akkalemye nusin tulik nutin Israel ke ma koluk ac sufwal lalos. Pohloh mwe read se inge sramsramkin nusin mwet Israel suc ma oasr ma wal fulat. Elos pa oracllah a akfasrye kain in akwuck nusin mwet in pacl soh. Kut kalem ke mwet read uh lac oasr na yohk lain lalos nusin elos suc ma srike in akfasrye ma suwos. Ke sripen eyense pac lalos nusin elos suc oasr kasrpeyac, Mwet Pahluh Amos el elakin nuselos in kalem kac lac elos tia fwasr ke akwuck lun God suc pa sie akwuck in liyacng mwet sukasrup. Ke sripen lihkeke ac srahngesr lohnkahs lalos in kunaoslah akwuck lun God, elos e tufwa tia pulakin wolana iyen loom wowo suc ma musaelah. E tufwa oasr ma koluk sikyak nusin mutan kiacyalos. Ma elos musaelah elos e tufwa tia wi pulakin wo iye ac loom selos kutu pacna mwet pa e ilyak in muta we. Fukun sak sunaclos, elos e tia wi pulakin insewowo kac meyen mwet sayac e kosrani ke fukun sak sunaclos. Pa inge kut macta ke seakosten lalos suc akkalemye kasrkusrak lun God.
Tia pac na ekla nusesr misenge in akilen ke mwe read se inge ac in kupasri nuke moul lasr sifwana. Wal suc ma utuku nusesr kut in orekmakin ma inge in tia mwe eyense. Ma inge utuku nusesr kut in orekmakin in loacng nuselos suc ma enenu. Wal suc ma kut oasr kac, kut in aollah pusraclos suc ma kofla in wi kahslah ke enenu lalos ac oacpac kut in suk lac kasru fuka ma ku in akfasryeyuck nuselos suc enenu. Sie pac ma mwe lutlut se inge akkalemye nusesr uh pa, akwuck ma mwet uh oracllah in tia ase kasrpweyacsr mukena, uh in ma in kasrpweyack mwet saya meet. Yohk na ma inge in fwasr fwal nuke lungse ac akwuck lun God. Lungse ac akwuck lun God ma e wo nuser kut fin fasr kac.
Ma yohk sripac se ke mwe lutlut se inge uh pa, kut enenu in fwasr ke akwuck lun God. Kut fin oru ouinge, mwe insewowo lun God e tufwa putat nu fasr ke sripen ma wo ac pwaye mukena tuku yurin God me. Pacnang moul lasr uh pa in suk ma wo ac pwaye mukena suc pa ma sumusla ke Bible Mutal natusr uh.
