Kunokon
Saturday – June 24, 2017
Sifac: Samson El Kuhtanglah Mwet Philistia In Misac Lal
Mwe Read: Mwet Nununku16: 23-31
Samson El Sifacna Unilyac Pa Sang Kutanglah Fin Mwet Philistia
Paye lac oasr ma na upac ku in sikyak ke sripen se akosten. Ke sripen se akosten lun mwet nununku se inge, finne papa ac ninac kial elos mwet kulansap lun God. Mwe read se inge akkalemye lah mwet Philistia inge oru srulukin mwe akpwar se pa Samson. Ac oacyacpac se akosten se lun mwet nununku se inge oru tuh akilenyuk god Dagon lun mwet Philistia liki na Leum God. Mwet inge pangon nu mu paye na selos lac god kikiap se lalos in oasr ku lal.
Samson el tufwa akilenack tok ke tafonglac yok se lal inge tukin elos angonlah atron mutal pacnacng el tia ku in lie. El sap tulik fusr se inge in usacllah nuke sru lukwac ma sang tulokonack iwac se elos oasr we inge. Iwac se inge tingtingi ke mwet muta fin iwac ac ten lun iwac se inge ke pacl se ma Samson el prue siyuck sin Leum God ke kasru. Oana ke mwe read se inge akkalemye lac God El sang ku nusel. Pa verse 30 inge akkalemye lac el sang kuiyacl sinukunlah sru lukwa ac loom sac rahki ac onella nofon na mwet loac ah.
Na kut in srike nunku moul lal Samson lac el mwet fuka se? Liki na kut wi fwak mu Samson el fukoko se ac kain in mwet se ma molelah mwet uh, kut in srike nunku pac fototo lac ke moul in mwet ac lulalfongi lal. Paye lac finne God El sulekutlac in kulansap, kut fin tia fwasr ke akwuck ac Ma Sap lal suc pa in lungse sie sin sie, kut e oacyacpac fototo ke kulansap lasr uh. Ma upac ma sikyak ke se akosten lasr e tufwa kolkutlac nuke kain in moul in srunga mwet suc ma Leum Christ El fwak lac srunga lasr nusin mwet uh oacpacna in akmas. Pacnacng lelah nusesr in prue siyuck ke kasru lun Leum God ac in readi Kahs Wolana Lal ke Bible Mutal natusr uh.
