Kunokon
Saturday June 18 2016
Sifac: Luhlahlfongi Kaksakinyuck
Mwe Read: Hebrew 11:29-39
Pacl nukewa ma kut fin readi ke book lun Hebrews, kut enenu in nunku ke ip lun lulalfongi. Book se inge sramsram yohk na ke lulalfongi nusin God Kulana. Fackohloh nuke book se inge uh pa Leum Jesus El pa Mwet Lango Sefanna suc wo liki nukewa mwet pahluh welulang Moses suc ma sramsramkinyuck ke Wuleang Matuh. Na pa ke mwe read se inge akkalemye la tia tulik natul Israel mukena pa God El langoellah liki misa. Kut kalem kac lac pus selos pa akkalemyeyuck ke mwe read se inge la elos wi pac pulakin insewowo ke God El akpayellah wuleung Lal. Tusruktuh, ke elos eis moulla inge, tiana apkuran nuke wuleang yohklana su pa ke langoeyucklah ke tuku ac misa lun Wen Sefanna nutin God. Akpayeyeyacn tuku lun Mwet Lango se inge pa Leum Jesus Christ pa yohk sripac uh. Tia kalmeyac pa elos inge tia wi eis ke akfasryeyacn misac lun Leum Jesus. Lung Kulang lun God yohk ac fwal nusin mwet nukewa in wi ipeis kac.
Nusesr misenge in akilen ke Wey Lun Lung Kulang se inge arulana yohk sripac. Lulalfongi lun kais sie mwet e pacnulos in kuh in wi pulakin ke Lung Kulang se inge suc ma fwal in puhtat nusin elos suc suk. Lulalfongi uh pa e ase molellah nusin el suc srike in moulkin. Nu ke Wey se inge, kut tia enenu in sano in sikyak, meyen mwe loangeyuck nusesr inge tupan kais sie na sie in suk. Elos fin suk ac tohwohlack, e tufwa ikacklah nuselos ke na sripen oasr lulalfongi lac ke sripen Wen Nutin God suc Mwet Lango sefanna, El misa in akfasryellah sie inkanek ohsriksrik nusin oana sie suc ma srike in suk ke Lung Kulang lun God. Leum Jesus pa Mwet Lango se suc fwal lacna nusesr in kaksakin ke molellah ac loangeyuck nusesr mwet uh in wi pulakin ke mwe insewowo. Finne lulalfongi lasr uh srik, tusruktuh fwal lacna kut in kaksakin God Fulatlana ke ma wo puspus kut pulakin pe ngana len. Kut in akfasrye mwe kaksak lasr nusin God Fulatlana pacl e nukewa. Kulo lacna nusin God ke ma nukewa.
