Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

Saturday April 22 2017
Sifac: Fahkack Oaru Lal Paul Finne Keok
Mwe Read: 2 Corinth 11:21b-27

Surleigh Y. Tara

Mwe read se inge akkalemye oaru lal Paul finne oasr mwe kweok sikyak nusel.  Pulan pacl se inge oasr pac lainyacl Paul in kisensiyucki lac paye el mwet sap paye se.  Ma inge sikyak meyen kut kalem kac lac Paul el pa tuku e tok in weacng Mwet Tuma Lutlut singucul luo in wi akfasrye kulansap lulap se inge.   Mwe read se inge tahfwela top lal Paul in akkalemye fwal lal inge suc ma el srike in topokoloslac.

Paul el srike in akkalemye sripac fwal lal elan wi oacwac nuke kunokon lun Mwet Sap se. Ke sripen oasr karinginyen mwet sap inge elos in tia mwet sap kikiap, pacnacng el sramsram kacl sifana nusin mwet Corinth elos in kalem kac lac el sie mwet suc arulana fallana in oacwac la nuke kunokon se inge. Paul el ne sramsram ouinge, el oacpac kalem kac lah ke sripen el srumunul sifanna inge, likin pusral oana sie mwet lalfon.  Yohkinyen sramsram lal inge uh pa elos in sensenkin mwet sap kikiap.

Oaru lal Paul in kulansap inge use nusesr sie lwemlwem lac, mwet sap paye se el tiana fisrasr in fuleuk ku in putatlac liki kunokon lalo finne upac nuselos. Ke kut wi akilen ma upac ac keok suc ma Paul el pulakin inge, pa in tatngal ne ke elan misa na kuluklac manol nu likin siti suc ma God El akmoulyalack na el sifwil pac folok luti ke Pweng Wo lun Leum Jesus Christ. Solse lun mwet Rome inge oacyacp sang sringsring na upac nusel uh el tia fuleuk ke kulansap uh.

Oiuyac lal Paul inge akkalemye nusik ac kom lac, moul in kulansap uh tia ma fisrasr se.  Tusruktuh kut fin lela Ngun Mutal in oan in kut, kut e tufwa ku in moulkin lungse ac in akos akwuck ac kolyuck lun God. In oana ma ikacklah nusel Paul, kut fin faksufi ac siyuck ke kasru sin God, kut e ku pac in wi pulakin kulang ac pakoten lun God pa e kalem ke oaru ke fahkack lasr uh finne oasr ma upac ku keok sikyak nusesr. Lulalfongi lac God El Wo, ac ma wo mukena pa e sikyak kut fin fungyan nusin Leum God.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.