Kunokon

Saturday March 4 2017
Sifac: Kulohkihn Luhngse Kawihl Luhn God
Mwe Read: Psalm 40:1-10

Surleigh Y. Tara

Mwe read se inge akkalemye fwahkwack lal King David nusin mwet lulalfongi ke loangweyuck luhn Leum God nusin elos suc mongfihsracsr ac tupan ke kasru sin God. El akkalemye lac elos fin oru oinge, elos e tufwa pulakin moul insewowo ac oacyacpac kutanglah lun ma upac sikyak nuselos. Lulalfongi lalos uh oru elos kuh in pulakin loangweyucklac ke eot in fihl se.

Wolana kawihl mukena pa tuku nuselos suc filiyac lulalfongi lalos nusin God Futatlana. Elos enenu in ahkos mwe sap luhn God ac oacyacpac in fasr ke akwuck suc ma e ase moul wolana in putat nufaclos. Tia mwe kisac kuh orekma lalos pa e asang ma inge, tusruktuh sripac yohk se uh pa elos in akos God in pacl e nukewa. Mwe enenu uh pa elos in akos Ma Sap ac in usungyucki ke Kahs paye luhn God. Elos fin oru oinge pa ke kalem ke kaksak lalos nusin God inmasrlon mwet uh. Arulana yohk sripac elos in akfulat ke inse mulala ac paye nusin God.

Nusesr pa in kalem lac akosyen kahs luhn God uh pa yohk sripac omeet uh. Kut in sulaclah in usungyac kahs moul ac paye lun God nu in mutun insiacsr. Moulkinyen kahs paye ac suwos uh pa e kalem ke mukuikui lun kais sie mwet. Kut fin oru oinge, kut kewa e tufwa wi pulakin ke kuhlwang kawihl lun Leum God.

Leave a Reply

Your email address will not be published. Required fields are marked *