Kunokon

Saturday: February 25, 2017
Sifac: Kasru Mwet Fahkwack Ke Kuhlwacng
Mwe Read: I Corinth 9:3-12
Surleigh Y. Tara

Mwe read se inge akkalemye sramsram lal Paul nusin church Corinth ke kasru nusin mwet fahkwack ke Kahs lun God. Mwe sramsram se inge sikyak kut in kalem kac lac Paul el tiana eis kasru ku mwe sang sin church Corinth inge. Meyen oasr sikyak meet lac kutu mwet luti in pacl somlac suk in eis kain in kasru sin mwet elos luti suc ma tu oracllah elyah yohk nusin mwet inge suc ma oayacpac ak kacoyeloslac. Ke sripac se inge, Paul el akkalemye nuselos lac arulana fwal elos in sang kasru nusel ke sripen el pa tafwelah nuselos ke Pweng Wo lun Leum Jesus Chrst.

Pweng Wo lun Leum Jesus asang nuselos in wi pulakin pac ke lung kulang lun God. Ke sripen Paul el pa fahkwack nuselos ke Pweng Wo se inge, e fallana in elos in sang kasru nusel ke fufasryusr lal in luti. El akkeyelos in tia motko mu ma sufwal se pa kasru mwet fahkwack ke Kahs lun God. Kasru nusin mwet kulansap paye ac suwos lun God pa e sang nuselos in wi pulakin mwe insewowo. Paul sifacna el tia kihnauk fwak se inge. Ma inge akkalemyeyuck ke Ma Sap lal Moeses ke Deuteronomy 25:4 suc ma fwak muh.”Nik kowos kapriya oalin soko cow mukul ke kom orekmakunul in lolongya wheat uh.” Kalmeyac pa elos fin ke enenu nuke lolongya wheat in akfasryeyuckla, na elos enenu in kite cow soko inge in mu el ku in oracllah enenu inge.

Nusesr misenge pa in suk in sang kasru nusin mwet fahkwack ke Kahs lun God. Elos akfasrye enenu inge in tia moul nuselos tusruktuh elos suc ma muta ye lulin luti lalos e tufwa eis etauk ac kalem in moulkin akwuck lun God. Akosten lalos nuke mwe luti inge asang nuselos mwe insewowo puspus. Ke sripe se inge elos in sang mwe kasru ke kulang tu mwet fahkwack inge in tia tui a in fwasr nu meet ke luti lalos. Pa inge akwuk lun God tu elos suc ma porongo ac akos e tufwa eis insewowo sin Leum God ke akosten lalos.

Leave a Reply

Your email address will not be published. Required fields are marked *