Kunokon
Saturday February 11 2017
Sifac: Kolyucklac Sin Nguhn Luhn Christ
Mwe Read: Rome: 8: 12- 17
Mwe read se inge ma in tafweyacn Friday suc akkalemye lah Ngun pa acse moul nusin elos suc fwasr ke kolyuck and akwuck lun God. Bible uh akkalemye lac Leum God El acse Ngun Lal in akilenyac mwet Lal ku elos suc ma oacwaclah muh tulik nutin God. Ip luo pa ke mwe read se inge. Mwe nunak se meet an pa, Mwet lulalfongi uh enenu in moulkin moul in Ngun lun God. Na akluo an pa, Moul in Ngun uh pa ac fwa tia akkosye mwet lulalfongi uh.
Paul el sang kahs in akkeye nusin mwet lulalfongi (Christian) fin acn Rome nuke ip lun moulkin Ngun Mutal. Pweng Wo se ke Leum Christ uh pa Ngun Mutal e tufwa putat nufin elos suc moul oui ye mutun God. Pa inge luti sasuc se Paul el ke mwet Christian in pacl soh in kalem kac lac Ngun Mutal pa e luhsruhnguhlosyak liki oiyac koluk lun faclu. Elos fin tia lelah Ngun in ilyak nu inelos, pa e kalem ke oiyac koluk lalos suc ma ngwesyuck nuke moul in ikwac. Pa inge akucl sasuc lun God nusin elos suc oacwaclah mu tulik nutin God. Mweyen pacl meet ah, akul se inge pa kalem ke kohsrlah lun mukul se. Tusruktuh, elos inge in kalem kac lac kuh lun Ngun Mutal pa e kasrelos in tia moulkin moul koluk lun facluh.
Paul el oacyacpac srike in lotelos lah, Ngun Mutal pa e luhslah moul in akkohs nuselos. Mwet lulalfongi nukewa suc ma oasr Ngun Mutal in elos pa oru elos ekin tulik nutin God Fulatlana. Na ke sripen elos ekin kuh nuhtlah muh elos tulik nutin God, pacnacng elos tia sifwil muta in moul in sroh-oh. E tufwa wangin ma kuh in aksahngengyaclos ma nuke kuhpahsr lalos nusin Leum God Fulatlana. Ke sripac se inge, elos enenu in fungyang nusin Leum God ac elos kuh pac in pang ac fwak, Papa! Papa! Oacna ke sie tulik pangon papa tuma ke pacl in enenu lalos. Pa inge kuhpahsr na wolana se ma ikacslah nusin mwet lulalfongi ke tia sripen ma elos oracllah, a ma ke lungse yohklana lun God.
Nusik kom in kalem kac lac, oasr inseselac se pacl se ma Ngun lun God kuhpasryang nuke ngunasr (v.16) suc ma acse kuh nusesr in kutanglah ma nukewa. Kut ekin mwet lulalfongi ac Leum God El ahkoekutlac ac akinsewowoyekutlac in oasr kuh in sie sin sie in tia putatlac nuke oana sie mwe sruf lun facluh. Na ke oinge uh, kut enenu mukuikui fal nuke elos suc pangpang muh tulik nutin God.
