Kunokon
SATURDAY: December 31, 2016
SIFAC: “Oru Nuhnuhnkuh Suwohs Ac Kulwacnglacna Ac Inse Pusisacl”
MWE READ: Micah 6:6-8
Mwe read se inge akkalemye sramsram lal mwet pahluh Micah nusin tulik nutin Israel. El srike in luhma ma kunacl nuke ip lun akfulat lal nuisn Leum God. Mwe kise lalos inge pa akkalemye akfulat lalos uh. Cow fusr soko pa mwe akul se nuke mwe kise oaskulana ac yohk molo se. Mwe kise firir inge akkalemye pac moniyuck lalos nuke akfulat lalos nusin Leum God. In lumahlah acnwucki lun cow soko, sripen kise se inge pa in aolla mise lun mwet se nuke ma kolulk lal. Pa inge kalmeyacn mwe kise inge yohk na in aollah mwet uh liki misac, efin mwe kise inge oru Leum God El insewowo. Na kalmeyacn tausin sheep mukul se inge ma na in akkalemye lac efin ne pa inge mwe sang in akfulat lun mwet se nusin Leum God efin El tia insewowo kac, ma inge sufallac.
Ke ouinge uh, Leum God El fwak tari lac mea wo uh. Mwe sang inge finne kahto, pus, yohk molo, oaskulana, efin wangin lungse in elos, ma inge nukewa wangin sripac. Ma Leum God El enenu sin mwet uh, pa in akos akwuck ac kolyuck Lal. Ma inge e tufwa kalem ke lungse sie sin sie suc pa e kalem ke pusisacl lalos. Tia pac na ekla nusik ac kom. Kut enenu in akfasrye kulansap lasr nusin Leum God in paye ac suwos. Efin paye ac suwos, pa kalem ke mukuikui lasr nusin sie sin sie. Kut fin moulkin lungse, kut enenu na in oasr pusisacl in kut. Pa inge ma Leum God El sap kin.
