Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Nusik kom uh pa in liyacung kulansap lasr nusin Leum God. Kut in tia oana Eli su ma el kalem ke oiyac koluk lun tulik natual ac el tiana srike kuiyacl in aksuwos ke moul lal meet na tufwa moul lun tulik natul inge.

Kunokon

SATURDAY:November 4, 2017
SIFAC:”Pihlesru Mwe Kisac”
MWE READ: 1 Samuel 2:12-27

Surleigh Tara

Mwe read se inge sramsramkihn ip luo. Ip se meet an pa Nununku lun Leum God Nusin Elos Seakosten. Na ip se ak luo an pa, Nununku Lun Leum God Tia Longyuck. Sie sripac yohk ma mwet uh seakosten kac ku pa kalem ke tulik mokul luo natul Mwet Tol Fulat Eli inge. Oasr oiyac akwucki nuke ip lun akfasryeyacn koanon mwe kise ma utuku nu yurin mwet tol in temple lun God.  Kutu oru lun tulik mokul luo inge uh pa nuke ip lun akmolyeyacn ikwac nu yurin mwet tol inge. Ip lalos uh pa meet liki ikwac inge in boil yak, elos in elsa kiris kac an ac fuhreacng in muh sang fohloh wolana se nusin Leum God; na elos tufwa boili ikwac inge. Mwe read uh akkalemye lah elos inge tia fwasr kac. Sie oiyac ma elos oru koluk pa in uslah ac oracllah oiyac na koluk nusin mutan ma tuku in akfasrye kulansap lalos ke acn in temple.  Finne fwakyuck nuselos ma inge elos in etu ac ke sripen seakosten lalos, pacnacng nununku lun Leum God putat nufaclos.

Ip se akluo inge uh pa elos sulala in tia akos akwuck akiyucki nusin mwet kulansap lun God. Oana ke ku readi uh la, oiyac sufal lalos inge fwakyang nuselos, tusruktuh elos sulalah in tia ekuhllah oiyacelos. Nunak in srahngwesr oa ac lihkeke lalos inge sikyak saap ma ke elos wi mwet solse lun acn Israel ku eteyuck elos inmasrlon mwet uh. Finne papa na tumalos tiana kafweacng  in srike aksuwos ye oiyac inge. Elos tiana long mwe kaiyuck tuku sin papa na tumalos uh saap ma ke, papa tumalos uh suc pa Mwet Tol Fulat se pac tiana akos akwuck inge. Ke sripen elos kewa, sou lal Eli tia akos akwuck ac kolyuck lun God pacnacng nununku lun God putat nufaclos. Leum God El supama sie mwet palu in asang sap soko in akkalemye nuselos ke nununku lun God pa kalem ke moul lalos suc ma Leum God El eslah. Tulik mokul luo inge akwucki ke mweun sac na tukin ma Eli el longack ke pweng ke misac lalos, el putatlac nu infokuh te kipatlah inkacwacl na el misa pac.

Nusik kom uh pa in liyacung kulansap lasr nusin Leum God. Kut in tia oana Eli su ma el kalem ke oiyac koluk lun tulik natual ac el tiana srike kuiyacl in aksuwos ke moul lal meet na tufwa moul lun tulik natul inge. Saap tulik natul Eli inge tiana akos papa tumalos uh ma ke Eli el sifacna tiana liyacung in fasr kac akwuck suwos. Kut in kalem pac kac lac kulansap lasr nusin God uh efin taheklah, mwet sahyac ku tulik natusr sifacn e akilen. Pacl se sikyak ouinge uh, e tufwa pac arulana up kut in srike aksuwosye mwet sayac. Kut enenu ma se meet in aksuwosyekut meet yurin God, Elan mu insewowo ac ikaslah mutasr in akilen ma sufwal uh. Na ke ouinge uh, kut enenu na in sang kuiyacsr kewa in aksuwosye ac moulkin ma suwos.

________
Efin kom sonna molelah Standard Lesson Commentary nutum an, click nuke link se ten inge.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.