Kunokon

SATURADAY: November 26, 2016
SIFAC: “Molwelah Wuhliyucklac Ahkfalyeyucklac”
MWE READ: Isaiah 43:1- 7

Surleigh Y. Tara
Surleigh Y. Tara

Mwe nunak yohk se nuke mwe read se inge uh pa Molwelah, suc pa sie wulela lun Leum God Fulatlana. Mwe read se inge akkalemye ke lungse yohk lun God nusin elos suc ma El sulaclah. In oana ke kut readi uh lac, tulik nutin Israel pa sramsramkin yuck inge suc ma in akfasryellah akwuck lun God, mwet uh in kalem ke lungse Lal. Mwet Palu Isaiah el sang kahs in akkeye in fwakak ke molwelah lun God in liyacung mwet Lal.  God El kihtacung nusin mutunfacl Egypt acn luo suc pangpang Ethioipa (Cush) ac Seba nusel King Cyrus in molwelah tulik nutin Israel. Elos in folok nu yurin God Papa. Lung lun God uh pa in fohlohkohnohlosme nu ye lulin pahol.

Pacl se ma tulik nutin Israel in muta ye lulin pun Leum God, wangin ma upac ku in afuhnuhloslac.  Elos fahlac sahsla ke mweoa loal, e fihrihr tohlack inkanek lalos su ma elos tia kuh in follah.  Na God sifacna el pangonolos muh elos ma lun God.  Ac elos in tia sahngeng ke oana sie ma sikyak meyen mwe fwak lun God uh sikyak tari. Pa inge wulela se inge uh lac, God El moleloslac tari.  Wulelah lun God uh ma enenu se na in sikyak. Wangin ku saya suc ma kuh in aollah fwak lun uh. Pa kalem pac ke moul lun tulik Israel inge ke pacl elos muta in kapihr.  Moliyuck lun God puhtat nu faclos.

Lungse se inge pa kalem ke supweyukme lun Wen sefanna nutin God in misa suc ma molwelah misac ku ma koluk lun mwet nukewa. Misa lun Wen nutin God pa ikaclah nusin mwet nukewa in wi ipeis ke wulelah lun God suc ma kut readi sikyak nusin tulik nutin Israel. Ke sripac se inge, elos suc ma fihliyac lulalfongi lalos nusin Leum Jesus tu Elan pa Mwet Lango se, e tufwa wi ekihn mw tulik nutin God.  Wulelah se Mwet Palu Isaiah el sramsramkin inge tia pac eklac nusesr, meyen moul lasr meet oacpacna kut in muta in kapihr.  Sra in Leum Jesus pa molikutlac liki kapihr ac kut in ilyak oacwaclah mu tulik nutin God suc ma loangweyuck lun God puhtat nu faclos. Pa inge Pweng Wolana se mwet nukewa in wi eis ke Molwelah lun God nusin mwet Lal.

Leave a Reply

Your email address will not be published.