Kunokon
Saturday November 19 2016
Sifac: Mwet Ul Sac Sifilpac Fahsr
Mwe Read: Matthew 9:2-8
Leum God El akkalemye kuh lal nu fin kain in mas kuh pahkah kuh oana sie ma sikyak in lusrong moul lun mwet uh. Tusruktuh mac Leum God El ku in oru ke ma koluk lun mwet uh? Mwet ul se inge el muta in munas lal ke pacl loeloes. Na ke sripac wo lun God, kawuk lal inge oasr in elos lungse, lulalfongi, ac finsrak. Fin tia ke ma tolu inge, saap elos e tia suk in kasru mwet ul se inge. Pa kut kalem kac lac, elos use mwet ul se inge nu yurin Leum Jesus. Elos tiana lelah in oana sie ma in tolohkohnolosi. Sie pac kisen siyuck uh pa, kuh ul lun mwet se inge ma kac ma koluk lal? Kut e koflana in etu. Tusruktuh, kut kalem kac lah, Leum Jesus El nunak munas iyac ma koluk lal meet ke sripen pa inge ma se ma yohk sripac omeet uh.
Kut enenu in kalem kac lac mas lun mwet uh tia sikyak ke sripen orekma koluk lun kais sie mwet, kuh in motko muh kut fin siyuk ke nunak munas, kut e kwelac. God El ku in akkeyelah oana sie kain in mas. Ma se ma yohk sripac nusesr in kalem kac uh pa, mwet ul se inge el akkeyeyucklac tukin el aknasnasyela insiacl meet. Kalmeyac pa mutun insiacsr in nacsnacs pa e kalem ke likin pusracsr, nunak lasr, ac oiyac lasr. Akkeyeyacn kais sie mas pa e kalem pac ke insiacn mwet se ma suk mislac yurin God. E tufwa wangin misla nusin elos suc ma oasr nunak koluk in el. Suk misla yurin kais sie pa yohk sripac omeet uh.
