Kunokon
SATURDAY: November 12, 2016
SIFAC: “Askuhlana Luhn Muhsahiyacn Jerusalem Sasuc”
MWE READ: Fwackyuk 21:15-21
Kut enenu in liyac-acn moul lun sie sin sie in oui ye mutun God. Mwe read se inge akkalemye mwet uh in akilen lac elos suc akos Ma Sap lun God pa e kuh in wi ilyak nu siti oaskuhlacnac. Nu selos suc ma tia akos akwuck ac kolyuck lun God e tufwa tia kuh in ilyak nuke siti suc ma inkanek oreklac ke gold. Ma nukewa lun God uh tia ma filweliyuck pa kalem ke siti se inge lah lupufan se orekmakin mwe srikasrak kut in kalem ke utuftufiyen ac oaru in kulansap nuke ma lun God.
Kain in eot singoul luo ma sramsramkin yuck inge oacpacna Mwe Loeyuk Iniwa ke naweyuck lun Mwet Tol Fulat se ma akkalemyeyuck ke Exodus 28:17-20. Oacpacna nuke eot singoul luo ma akilenyac motonoac nuke kais sie siti. Ma inge sikyak pa nusesr kut in kalem kac lac ke sripen God Papa El tia ekyek pacnacng awkuck Lal oacyacpac tia ekyek. Ma God El oakiyac nusin Tulik nutin Israel ke Wuleang Matu ah pa, pac akkalemyeyuck ke saflaiyen faclu. Nusesr kewa in liksreni loacng nuke ac in usungyac Kahs lun God nu in kais sie mwet.
“Elos suc ma forlah liki lulalfongi, elos su moulkin lumah fohkfohk, mwet akmas ac mwet kosro, elos su orek inutnut, elos su alu nuke ma sruloala, ac mwet kikiap nukewa” (Fwackyuk 21:8) pa e tia ku in ilyak nuke siti wolana se inge. Elos pa e som nuke lulu in e firir pa kalem ke misa ak luo. Ac funu elos suc ma inelos in simlac ke book in moul, pa in akos akwuck ac Ma Sap lun God (Fwackyuk 21:27). Elos inge pa ku in ilyak nu in siti oaskuhlacna se inge.
Nusik ac kom pa in liksreni loacng nuke ma lun God suc ma akkalemye lac, elos suc ma tia akos Ma Sap ku akwuck lun God; elos e tufwa tolyuckyang nu in e firir. Lungse lun God uh pa mwet nukewa in moullac. Ke sripe se inge, pacnacng utuku nusesr kunokon se inge in tahfwela lungse lun God nusin mwet nukewa. Elos in forla liki moul wangin sripac lun faclu ac in suk ke lung kulang lun God. Lungse yohk lun God nusesr pa e kalem ke mukuikui lun kais sie mwet lulalfongi suc ma kut enenu in prue siyuck ke kasru.
