Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Bible uh fwak ke book lun Orekma 17:11 lac mwet Berea "elos oaru in long kahs srumunyuk uh, ac elos lutlut len nukewa ke Ma Simusla uh in liye lah pawyena ma Paul el srumun uh."

Kunokon

Saturday October 8 2016
Mwe Read: Matthew 7: 19-23
Sifac: Ohiyac Luhn Ahkostwen Eneneyuck Sin Nukwewa

Surleigh Y. Tara
Surleigh Y. Tara

Mwe read se inge mutawauk ke fus 19 “Ac kutena sak suc tia oswe fahko wo, fah pakpuki ac sisila nu in e uh.”  Fahkon orekma lun kais sie mwet pa akkelemye lupan akosten lalos in akfasrye ma lungse lun God Papa.  Ke sripen pus mwet oackackihn muh elos mwet fwahkahk ke kahs lun God, pacnacng mwet lulalfongi nukewa enenu in sifacna taranulos in tia putatyang nuke kain in tafongla se inge.  Kahs lun Leum Jesus sifacna akkalemye lah, “Tia mwet nukewa ma pangonyu, ‘Leum, Leum,’ ac fah ilyak nu in Tokosrai lun kusrao, a elos na su oru ma lungse lun Papa tumuk inkasrao.” Kut in liksreni usungyac in kut lac, tia mwe fwakack sin kais sie pa akkalemye akosten lalos, tusruktuh lah elos moulkin ma lungse lun God Papa pa akkalemye akosten lalos.

Mwe lutlut se inge sramsram kihn yohk na nuke mwet fwakak kikiap suc kut in wi etu kac lac tia ma elos fwak uh pa akkalemye akosten lalos nuke ma lungse lun God, a kut in akilen fahkon orekma lalos.  Fakon orekma pa kut e kalem kac likin pusraclos, mukuikui lalos inmasrlon mwet uh, ac yohk na in sou lalos.  Efin oasr tulik natulos, lac fuka oiyen tulik natulos uh?  Ma inge kewa pa akkalemye lac mwet fwakak ke Kahs lun God, elos mwet fwakak paye ku elos mwet fwakak kikiap.  Bible uh fwak ke book lun Orekma 17:11  lac mwet Berea “elos oaru in long kahs srumunyuk uh, ac elos lutlut len nukewa ke Ma Simusla uh in liye lah pawyena ma Paul el srumun uh.” Suc ma inge tia pac eklac nusesr in suk kahs paye suc ma e kohllah nuke akosten nuke ma lungse lun God Papa.

Kut kewa putyang nuke fwak se lung Leum inge. Kut tia kuh in ekullah ma sikyak ke pacl somlah tusruktuh, ma kunasr in forla liki orekma sufwal lasr; yohk na kut in tia lahfwekihn, a in siyuck ke nunak sin Leum Jesus.  Ac ma sufal nukewa lasr e tufwa aksuwosyeyucklac ke sripen pa inge sripac yohk se Leum Jesus El tuku misac kasr kewa. Kut fin siyuck ke nunak munas, arulana yohk lungse lun God Papa in ellah ma koluk nukewa.  Kut fin oru oinge, kut e tufwa loangeyuckla liki len in nununku (Matthew 7:23) nuselo suc tia akos. Na in akkalemye srui yohk lasr ke lung kulang lun God pa in tafwelah nusin nukewa in akosten nuke ma lungse lun God Papa.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.