Kunokon
SUNDAY: September 18, 2016
SIFAC: “God Kuhlacna ac Kawihl Lasr”
MWE READ: Isaiah 40:21-31
Wacngihn ku lun fwalu ac kusrao ma ku in oana ku lun Leum God. Ke ku ac lalmetmet Lal, fwalu oreklac. El fiiyac mwet u fwin fwalu ac karungunulosyang ke karinginyuck wolana Lal. Ku lun mwet leum lun fwalu koflana in apkuran nuke ku lun Leum God. Leum God El fin ke akwanginyela mwet leum inge, na elos ac wanginlac. Akilenyuc ku lun Leum God ke ma oreklac Lal inkusrao. Ittu, faht, mahlwem, ac puhkunyeng. Lalmetmet ac ku Lal panang El etu nofohnna pisen ma inge.
Ku lun Leum God tiacna wanginlac. Israel finne torkaskas mu Leum God El pilesralos ku tiana kasrelos ke elya lalos, tu torkaskas lalos tiac paye, meyen Leum God El tiana ngetla lukelos. El Leum God ma patpat, ac ku Lal tiacna wanginlac. El oru kasru Lal nuselos nukewa suc pahng nusel.
Fin oasr totola, munasla, fosack, ac fuleack ke lulalfongi lasr u, esam la Leum God El oasr pacl nukewa, ac ku Lal tiana ku in wanginlac. Sang nusel ac El fwa kasre kom.
