Sunday July 5 2015
Sifac: Sie Len In Eoksra Upac
Mwe Read: Micah 2:4-11
 |
| Rev. Takeo Likiaksa |
Mwet Palu Micah el srike in fahk nu sin kewana mwet Israel ac Judah ke nununku lun God ma akola nu selos. Mwe read uh sramsramkin len in nununku se inge ac tuku nu faclos. Pa sifac uh fahk lah sie len eoksra upac. Ac upakin lah Israel tila akinsewowoyeyuk sin God, a selngaweyuk ke sripen seakos lalos ke masap lun God. Fahk la finne ma lalos ac itukla lukwelos. Wanginla usru weang lah God el ac tila God lalos.
Wanginna nunak in oela lalos oru elos fahk nu sel Micah elan tui tila palye ma ac sikyak nu selos. Eltal tila lungse long kusen palu lal. Elos nunku mu ma inge tia ku in sikyak nu selos meyen elos mu elos ma nutin God, ac God el tia ku in kaelos. Tu pa Micah el fahk lah paye fahk lalos elos fin oru ma wo ac suwos ye mutun God.
Mwet palu Micah el fahk lah elos su tia akos masap lun God elos mwet lokwalok lal. Ma koluk lalos alukwela koluk finne in esla nuknuk lun mwet soemoul nu selos. Misah lun mwet selos tia pac ma ke inkanek suwos.
Elos esla lohm ac mwe kasrup lun katin mas ac tia oru wo nu selos. Ouiya se inge lain pa masap lun God pa in karungin katinmas ac mwet wanginla papa, nina ku sou la.
An Canaan Ma Leum God el sang selos in muta we ac insewowokin ma nukewa ma God el oru wo nu selos. Ke sripen oru lalos God el ac esla selos ac fah wangin an elos in mongla we. Eltal sifacna pa oru in itukla usru lalos ke sripen koluk ma elos orala.
Micah el akilen lah eltal srunga long kahs paye ma fahk nu selos, a elos ke long kas lun mwet palu ma fahkak mukena ke ma wo ac pacl wowo.
Kut moul in mwet tia pac lungse in long kahs ma ac aksuwosye moul ac mukuikui lasr. Oasr na pacl kut kena in nunku mu nunak ac ma kut oru ac fahk uh mukena pa suwos ac paye uh. Mwe lutlut wowo kut in wi long ac sifacna sensenkakin kut liki ouiya ma ac use mwe asor ac sahfla kut eoksrakin.
