Kunokon
Sunday July 31 2016
Sifac: Sulaclah Moul
Mwe Read: Rome 6:1-4, 12-14, 17-23
Ke sripen ma koluk oru mwet nukewa lwemla nuke misa. Oana ke Paul el fahk ke
fus 23 ke mwe read uh, “Tu molin ma koluk pa misa, ac mwe kite lun God pa moul ma patpat yurin Christ Jesus Leum lasr.”
Ohinge, ke sripen kut eis akul lun sie mwet lulalfongi pa ke baptais, oru fal na mwet nukewa in oru oana ke sifac uh fahk uh, “Sulala Moul,” ac kut in moulkin sie moul sasu. Lela kut in sisla ohiya matu nukewa, ac tia lela ma koluk in sifil leumi moul lasr.
Ma Fal kut kais sie in oru pa in
1. sifacna akilen la kut mwet koluk,
2. Akilen an kut munas
3. ac sensenkackin kut like mwe sruf ma sik nu sesr,
4. Wi kulansap in ma akkeye kut, ac fungfung nuke ku lun God mukena. Tu Christ pa Master lasr.
Ke ma inge enenu kut in lungse Leum God oana ke Matthew 22: fus 37 fahk uh, “Ac Jesus el fah nu sel, “Kom fah lungse Leum God lom ke insiom kewa, ke ngunum kewa, ac ke nunkom kewa.”Tu pa inge ma sap se ma yok omet, ac yok sripa omet.
Na ma wo kut ac eis pa sie moul su kisackinyukyang nu sin God, ac saflaiya pa moul ma patpat. Oru fal kut nukewa in sulala moul.
