Kunokon
Sunday July 17 2016
Sifac: Kewana Suwohs ac Mwet in Ahksuwohsye
Mwe Read: Rome 3:21-31
Paul el akkalemye in mwe read se inge ke pweng wo nu selos nukewa su filiya lulalfongi lalos in Christ. Tu sripen tuku lal pa in aksuwohsyela moul ac nunak tafongla lasr mwet uh, ac in oru tu mwet uh in fahsr tukin akwuk ac ma lungse lal.
Mwe read uh fahk lah ma koluk nukewa oana sie ye mutun God, wangin ma koluk yok ku ma koluk srik. Pacl se na mwet se kunahosla ku tia fahsr ke akwuk na el kunahosla masap. Ac ma koluk uh kohlla mwet nuke misa, ac srikutla liki God.
Na misac ac moulyak lun Christ aksuwohsyela kewana ma koluk lun mwet uh ac mwet in aksuwohs se inge pa Christ.
