Kunokon
Sunday June 5 2016
Sofac: Sie Len In Nuhnuhnkuh
Mwe Read: Zephaniah 1:4-6, 14-16; 2:3
Mwet Palu Zephania el kalweni kahs in palu lun mwet palu met lukwel ke ouiyen alu nu sin God, ac ke sie len in ongoiya lulap ac kunaosten ac fah sikyak ac met Judah fah kaiyuk ke alu lalos nu sin god sahya.
Pa sifac ac mwe read lasr uh fahkak kac uh. Leum God el tuh sensenkackunulos mu elos in onela kewa mwet in an Canaan ku fulan wuleang ma alu nuke ma srulala. Ke sripen El etu lah ac fahsr ne tok, kifasulosla.
Seakos lalos pa oru elos forla liki God ac alu nuke ma srula. Elos akfulatye ma srulala in an we yok liki elos in alu nu sin Leum God mukwena.
Mwe lutlut wowo pac nu sesr in akesmakye kut liki ouiya ma ac ase nu sesr kasrkusrak lun Leum God ac oru kut in fosrnga ke len in nununku lun Leum God. Kutu ouiya ma esla nunak lasr in pacl inge uh money, wal, ku, pengpeng ac ma wolana lun faclu. Tu Ma Sumusla fahk mu kut in suk ac nunku met ma ke Tokosrai lun God, ac ma lungse lal, na El ac fah asot ma inge nukewa nu suwos. (Matthew 6:33) Ac in El mukewna pa put alu nu se. (Exodus 20:3)
Leum God El wo ac etu mea wo ac fal nu sesr. Suk God ac oru ma lungse lal mukena.
