Kunokon

Sunday June 12 2016
Sifac: Mwactan Seahkosten
Mwe Read:Zephania 3:1-8

LM Quardus Esau
LM Quardus Esau

Paing kowos ac sifil fwak kulo nusin God ke pacl ac moul wowo lasr kut srakna pulakin neke pacl se inge

Ma koluk lun mutunfwal Judah arulana yok. Mwet kol, mwet tol, mwet palu – elos nukewa fwasr liki akwuk lun Leum God. Mwet u forla liki Leum God ac alu nusin ma sroloala. Elos filiyac lulalfongi ac finsrak lalos sin god sutuu. Mwet palu Zephania el tuyak ac oru palu lal ac sensenkakunulos liki mulat ku nununku lun Leum God nuselos. Mwet Judah elos tiac long. Finne city mutal Jerusalem, city se suc temple lun God oan we, mwet we elos tiac pacna loacng nuke pusren palu lal Zephania inge.

Oinge ke sripen seakosten lalos, kewana mutunfwal Judah ac city Jerusalem, kasrkusrak ac nununku lun Leum God ac putati nu faclos.

Lela me lutlut se inge in akkeye ac akesamkinye kut in esam la, kut fin seakos wuleang lasr ac ma lungse lun Leum God, nununku Lal ac fwa putati pac nusesr in oana ke El oru nusin tulik natul in pacl soh.

Leave a Reply

Your email address will not be published.