Kunokon
Sunday May 22 2016
Sifac: Oana Sie Tuhlihk
Mwe Read: Luke 18:15-17
In oana ouiya lalos mwet in pacl sac, nina uh elos usla tulik natulos nu yurin mwet Rabbi – (Mwet Luti) elos in akinsewowoyalos. Pa oru ke Jesus el oasr yorolos, nina ingan oru oana fasin lalos in usla tulik natulos inga nu yurin Jesus. Tu pa mwe read uh fahk lah mwet tumal lutlut elos multikin mu elos esla pacl lun Jesus.
Ke Jesus el liye, el toasr kac oru El sap elos in tia ikolya tulik ingan in tuku nu yorol. El tafwela in fahk lah elos su lungse in wi ilyak nuke Tokosrai lun God enenu elos in ekulla moul lalos in oana moul lun tulik ingan. Pa mwet nunak uh fahk mu in “Oana Sie Tulik”.
Fus 17 – akkalemye lah ouiyen moul misla, lulalfong, inse mesas ac akola in eis mwe luti lun tulik uh pa mwet mahtu enenu in lutlut kac, ac srike in ekulla moul lalos uh in oana uh. Enenu pac kais sie met in eis pacl la in readi ke Bible, suk kasru sin God pal nukewa ac lulalfongi God in ma nukewa.
