Kunokon

Sunday May15 2016
Sifac: Sacohkkihn Puhsisacl
Mwe Read: Luke 18:9-14

Kutena mwet suc sifana akfulatyacl ac fwa akpusiselyeyuk; a el suc sifana akpusiselyacl ac fwa akfulatyeyuk. Pa inge fahk lun Jesus nusin mwet suc pangon elos mwet suwoswos, ac sulela in pilesru mwet sayac.

Jesus El srumun soko pupulyuk in me read se inge, in akuteyac ke nunak fulat lun sie mwet Pharisee ac nunak pusisacl lun sie mwet esani tax, suc kalem ke oiyen pray lalos. Mwet Pharisee sac pray ac sifana kaksakin orekma lal la el tiac oana mwet se sayac ah, (rapku, oru ma sesuwos, kosro). Mwet oracni tax el pray ac sifana akkalemye la el etu la el sie mwet koluk, oinge Leum God lan nunak munas nusel. In oana ke Jesus El akkalemye an, mwet esani tax se inge pa God El insewowo ke pray la.

Pus pacl ma kut seasmak in nunak ac orekma lasr. Kut akfulatye kut sifana ke sripen kut nunku oana mwet Pharisee sac mu kut wo liki mwet sayac. Oinge ke mwe lutlut u tuku ke pacl se inge, lela nusesr in suk kasru lun God in akesmakinye kut in moul in pusisacl in pacl nukewa.