Kunokon
Sunday, May 1, 2016
Sifwa: Leum God, Ahkyohkye Luhlahlfongi Lasr
Book: Luke 17:1-10
Ma koluk u ac nuna sikyak. Tusruk me pakomuta nusin mwet se ma pwanang ma koluk u in sikyak, yokna ke el pwen ma koluk u nu yurin mwet sayac. Jesus El fwak in me read se inge mu, elos suc oana kain mwet se inge ac wona in kapiri kawacl ke sie eot, ac sisilac el nu in meoa u. Matthew el akkalemye oayapa (18:6) tusruk el mu “elan walomla yen loal in meoa uh.”
Na panang Jesus El fwak mu, fin oasr kain mwet se inge inmasrlosr, ku finne mwet oru ma koluk nusesr, kut in kael. Tiac ke oiyac se ma kut oru in nununku mwet sacn, a ke oiyac se ma kut oru in kasrel, kael, elan akilenack, ac auliyak. El fin porongo a auliyak, na kut in nunak munas nusel. Finne pacl se, luo, ku pacl pus el oru koluk nusum/sesr, el fin auliyak, kut enenu in nunak munas nusel.
Met tuma lultut lun Jesus elos etu ac akilen munasiyen lulalfongi lalos ac lupan alolo ma oasr yorolos. Oinge elos siyuk sin Leum, “Ahkyohkye Lulalfongi Lasr.”
Top lun Jesus nusin mwet tuma lutlut lal nuke siyuk lalos arulana fal nusesr misenge. Lulalfongi srisrik yorosr fin oasr KU kac ac kasre kut in ku in nunak munas nusin mwet ma oru koluk nusesr ac oayapa ke me siyuk lasr nusin God. Lela me lutlut u in akkeye kut nukewa ac akyokye lulalfongi lasr in oasr nunak munas lasr nusin mwet oru koluk nusesr, yokna in akyokye lulalfongi lasr ke Leum God.
