Kunokon
Sunday October 9 2016
Mwe Read: Hebrew 3: 1-6; Mathew 7:24-29
Sifac: Orekma Ke Fahk Kuh Luhn Jesus
Sie inmasrlon fahk kuh lun Jesus pa –“ke ma inge kowos som nu yurin mwet in mutunfacl nukewa fin faclu, ac oru tu elos in mwet tumuk lutlut …(Matthew 28: 19).
El ase kunokon se kuh kulansap se nu sesr, ac El wulela mu El ac wi kut, akkeye kut nwe ke sahfla faclu. Na ke kut wi eiskutyang in kulansap, lela kut in oru orekma lasr ke paye, oaru ac suwos. Kut nukewa etu lah wangin kuh lasr, tu finne ohinge, lela kut in tuyak ke kahs lal ac oru finne kitin kunokon utuku nu sesr. Lela kut in orekma ke kuh lun Jesus.
Oana ke Paul el fahk, “payena ma kom enenu pa kulang luk, tu kuh luhk uh arulana yohk ke pacl kom munas.” (2 Corinth 12: 9) Ac el tafwela ke lain soko safla ke fus 10 an. “Tuh ke nga munas pa inge pal nga ku.”
Mwe read uh oayapa sramsram ke luo mwet musah lohm. Lumweyuk nu selos nukwewa su long kahs lun God ac orekmakin, ac elos su long kahs lun God ac tia akos. Fwak mu elos su long luti lal, elos fwefela ke ku lun luti lal. Wona kut in eis sifac lasr uh in akkeye kut in wi orekma nu sel ke kuh lal.
