Kunokon
SUNDAY: October 30, 2016
SIFAC: “Kaiyuck Oswe Luhn Mislac”
MWE READ: Hebrew 12:1-13
Kahs in akku, kahs in akesmak nusin sie un mwet lulalfongi (Hebrew) suc yokyokwelik alein ma sonolos ke sripen lulalfongi lalos ke Jesus Christ. In me read se inge, mwet se ma sumusla inge akesmakinyelos ke kupasr lalos nusin Leum God; elos in tiac mulkunla la elos ma nutin Leum God.
Oinge, elos fin pulakin keok ke moul lalos, elos in tiac fuleak. Elos in muteng mwe keok nuselos inge oana ke Jesus Christ El mutangla mwe keok ma orek nusel. Tu mwe keok ma elos pulakin tiacna oana mwe keok ma Jesus Christ El pulakin suc kolollah nuke misac.
Elos in oayapa esam la, ke elos ma nutin Leum God u, Leum God El ac kaelos in aksuwosyelos ke moul lalos, oana ke sie papa kai tulik natul ke pacl el tafonglac. Tuh kaiyuk inge tiac ma in kollah nuke misac a ma in sang moul mislac nuselos.
Ke ma inge, kut misenge enenu pac in asmak ac esam la pacl ma oasr ma upac ku mwe keok kut sun
u, ma inge ma tuku in aksuwosye kut nu yurin God ke sripen El lungse kut. Oayapac kut in esam la, mwe keok ma kut kais sie pulakin inge tiac kisrungsrung nuke mwe keok ma Leum Jesus El pulakin. Kut in muteng ac esam Jesus Christ pacl nukewa in kasre kut in aksafye kasrusr lasr kais sie ke moul in lulalfongi lasr u.
