Kunokon
MONDAY : July 3, 2017
SIFAC: “Kol Lal Tohkosrah Uzziah”
MWE READ: 2 Chronicle 26:1-10,15
Me read lasr nuke Monday an sramsramkin oiyen kol lun sie tokosra lun met Judah suc pangpang Uzziah. Uzziah el munatul tokosra Amaziah, , suc God El esla tokosrai la kesripen el alu nusin ma srolala ac tia fasr fal nuke lungse lun God; nina kial pa Jecoliah, sie mutan Jerusalem. Fahk tu na el mutawaak kol ke el yac 16 ah, ac el kol acn Judah ke lusen yac 52. Me read u fahk lah lusen moul lal Zechariah, el luti nusel Uzziah tu elan etu in sangeng sin God, na panang oru God el ak insewowo yacl. God El sang nusel tu elan kutangla met lokalok lal (met Philistia, met Arab, met Meunim) ac sang elan musaela pac kais sie tower ke mutunpot Jerusalem ac ac oayapa yen mesis ac kulasak ke pot. El oayapa pukanack luf in kof pus meyen fack tu na pus kosro natul ke pe eol ac oayapa yen tupasrpasr. Tokosra Uzziah el oayapa akkeye met lal in ima kesripen el lungse orekma ke ima. Fahk ke me read u tu na pweng kacl fasrelik nu yen nukewa ac el arulana kui kesripen kasru lun God nu sel.
Me lutlut u tuku in akkeye kut ac ak asmakinye kut lah ke pal se kut fasr ke lungse lun God u, wangin na paye ma kut ac kena kac. Oana ke el ak insewowo yacl tokosra Uzziah inge, el ac fah ak insewowo yelos suc fasr pac ke innek Lal. Payena la kutu pal u, kut losr la na in sifana suk ma lungse lasr; tia sang nusin God me enenu. Tusruktu fin kut sang nusel, fasr ke innek Lal, El ac ak insewowo ye kut oana El ak insewowo yacl tokosra Uzziah inge. Lela tu moul lasr ku orekma lasr in oi yurin God, kut in mu ku pac in wi eis me insewowo yorol
