Kunokon

Monday August 22 2016
Sifac: Moniuck ac Ma Sap
Mwe Read: 1 Timothy 4:11-16

Sang kulo nusin God lasr ke kolyuck wowo Lal nusesr nukewa.

LM Robert Kilafwasru
LM Robert Kilafwasru

Leta se meet lal Paul nusel Timothy pa inge. El simuslah meet liki kapir saflac lal in acn Rome. Timothy el sie mwet Christian na fusr suc arulacna fototo nusel Paul pacnang Paul el sullacl-lah elan welul tafelah kas lun God.  Ke leta se lal Paul inge, el akkeyacl Timothy lan tu ku ac moniuck ke kulansap lal nusin God. Paul el oacyapac akuteyac oiyen sie mwet luti wowo ke kahs lun God, suc ma enenu in arulacna nasnas moul la. El fahk lah, mwet luti wo se el sie mwe srikasrak nusin mwet uh ke oiyen lulalfongi, lungse, ac in moulkin kahs paye lun God. Mwet luti wo se el finne matwac fusr, oacna ke kalem kacl Timothy inge, yohk sripac lan oaru na in oru ma kunacl ke God el sang mwe lung lun ngun nusel tari.

Misenge, puslac ma lun faclu ma kisrucng moul in lulalfongi lasr uh. Tusruktu oacna ke kahs in akkeye lal Paul nusel Timothy inge, kut enenu in moniuck in oru ma kunacsr nusin God. Christ El tuku misac molelah ma koluk lasr nukewa tuh kut in kuh in wi eis moul ma pahtpaht. Pa inge lulafongi se kut mwet lulalfongi uh enenu in fahkelik nusin mwet wiacsr nukewa. Tusruktu kuht in tiac fahkelik mukena, a kut in oayacpa moul suwos yemutun mwet wiacsr ac yohk nusin God.

RKILAFWASRU

Leave a Reply

Your email address will not be published. Required fields are marked *