Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Mwet palu Elijah el sie mwet palu suwos ac oaru lun God. El lipsre pusren sap lun God nusel pacnang lulalfongi yohk lal in prue topukyuck sin God.

Kunokon

Monday June 20 2016
Sifac: Sie Mwet Luhn God
Mwe Read: 1 Tokosra 17:17-24

LM Robert Kilafwasru
LM Robert Kilafwasru

Sang kulo kaksakin God ke moul lasr nukewa. Pain kowos ac srui ma lulahp nu sin God ke pacl wowo lasr in sifil sie sin sie ke kahs wolacna Lal.

Mwe kasru se inge asr in 1 Tokosra 17:17-24, suc sramsramkunul mwet palu Elijah ac katinmas se. Leum God El orekmakunul mwet palu Elijah elan akkalemye nusel tokosra Ahab lah Elac tulokinyac af uh ke lusen yac tolu ke sripen ma koluk lalos. Oinge Elijah el supeyuckla sin Leum God elan som nu lacyen kutulap ke infacl Jordan ac muta we ac God Elac fwa sang kof nimacl ac mwe mongo nacl we. Tiac paht tok, na pahola kof ke infacl soko inge, na God El sifil sapkin nusel Elijah elan sifil som nuke sie pac acn sahyac.

Elijah el long kahs lun God ac som nuke sie city srisrik suc pahngpahng Zarephat ac suk sie mutan katinmas suc Leum El sapkin tuh in fah liaclacng we. Ke el sun city se inge, El osun nusin mutan katinmas sac. Elijah el malulac ac siuk sin katinmas sac in sang kof nimacl. Ke mutan sac fahsr in use kof nimacl, Elijah el oyacpa siuk sel elin sang pac sie ipin falao ah nacl. Katinmas sac topuk ac fah nusel lah wacngin falao mol tusruk asr kutusrik falao takmek ac kutusrik kiris in orac-ack mongo sahflac nacl ac wen natul. Elijah el fahkacng nusin katinmas sac in oraclah ac sang nusel falao nacl tu Leum God elac fah tiac fulalah in lisr mongo naclos neke El sifil supacma af nu faclu. Katinmas sac long ac oru oacna ke Elijah el sapkin nusel. Oinge Leum God el ak insewowoye katinmas sac ke mwe mongo naclos suc tiac kuh in lisr. Tiac paht tok na tulik se nutin katinmas sac misac. Katinmas sac tuku nu yorol Elijah ac siuk ellin kasrel ke mwe ongaiyac se nusel ke wen se natul inge. Elijah el prue nusin God ac siuk sin Leum tu Elin akmoulyeack tulik se nutin katin mas sac. Leum God el kulacng ac pakoten lacna pacnang El topuk kisen prue lal Elijah ac akmoulyeack tulik sac. Ohinge katinmas sac fahk nusel Elijah lah paye na lah Elijah el “SIE MWET LUN GOD.”

Mwet palu Elijah el sie mwet palu suwos ac oaru lun God. El lipsre pusren sap lun God nusel pacnang lulalfongi yohk lal in prue topukyuck sin God. Mutan katinmas sac porongo pusren ngusr lal Elijah nusel pacnang Elijah el sa pa in sang kasru lun God nusel. Sie mwet lun God el enenu in arulacna ahkos kahs lun God ac moniuk in orekma lal. Masap lun God pa yohk sripac nusesr mwet uh in fasr kac ke pacl nukewa in moul lasr pacnang fal nusesr in lie nu misenge lah kut oasr ke akwuck lun falu ku lah kut ahkos kahs lun God.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.