Kunokon

Monday May 30 2016
Sifac: Sie Len In Ahkfuhlact
Mwe Read: Exodus 23:14-19

LM Robert Kilafwasru
LM Robert Kilafwasru

Leum God El srelah len in akfulact nusin mwet Israel. Elos in ku in akfulactyacl ke kuh ac wolacna lal ma El oru nu selos ke elos illac likii Egypt ac utyak nu in acn Canaan. Inmasrlon len in akfulact inge pa kalem ke Kufa Lulahp Tolu ma elos in akfasrye ke yac nukewa.
Kufen Bread Tiac Pulohl, sikyak na tukun Kufen Alukelah suc ma mwet Israel inge mongo bread tiac pulohl ke lusen week se in ak-acsmakinyaclos ke mutacngalos kacpalpal lac meet liki elos ac illac liki Egypt.  Kufen Kosracni, sikyak ke mutacwack in pacl in harvest suc ma mwet Israel akkalemye srui ac engan lalos ke molela lun God nuselos liki keok in acn Egypt. Elos in sang fahko se meet ke kosracni lalos in sang fahkack kaksak lalos ke kuh lulahp lun Leum God
Kufen Iwen Aktuktuk, kufa saflah suc akfulactyeyuck ke lusen len itkosr. Mwet Israel elos muta in iwac sukawil ac tiac oneyucklac ke pacl in akfulact se inge in ak-acsmakinyaclos ke muta lalos yen mesis ah mwet liki elos fah utyak nu Canaan.
Leum God El sapkin nuselos in akfulactye kufa lulahp tolu inge ke yac nukewa in akfulactyacl. Kais sie kufa inge akwucki ke oiyac in sang fahkack kuh lun God, ac in ak-acsmakye tulik nutin Israel ke ma wolacna El oru nuselos.
Lela kut in akilen Kufa lulahp tolu inge in ak-acsmakinye kut ke molelah lun God nusesr ke Wen natul. Kut in sang mwe kasrup ma El use nusesr in akyokye orekma lal, kut in sang talan ma El use nusesr in kol orekma lal, ac kut in tiac tui ke kaksak lasr nusel ac sang fahko ke kosracni se meet nu sin Leum. Kut in esam lah falu se inge kut ac fah fasr ahlukelah ac utyak nu in wolacna Lal kut fin oru ma lungse Lal.

RKilafwasru

Leave a Reply

Your email address will not be published.