Kunokon
Monday May 2 2016
Sifac: God El Karingin Nuhkewa
Mwe Read: Deuteronomy 11:12-21
Kulo kaksakin God ke moul lasr ac ke mwe lutlut wo lasr…..
Mwe read se inge sikyak tukun Leum God el tuh orekmakunul Moses elan kollah tulik nutin Israel liki sruhuh lalos in acn Egypt. Ke pal se inge elos akolah in utyak nu in facl in wuleang su El tuh wulelah tari mu elac sang nu sin tulik nutin Israel. Met liki el akolah in sang nu selos, oasr ma el wihli nu selos in esam. Elos in esam in akos masap nukewa ma Moses el sapkin nu selos. Elos fin oru oinge na El a fwa supama af ke pal fal ke pal in taknelik oayapa pal in kosrani. Ac elos ac oru fukah in esam masap inge? El fahk mu elos in kapriya kas inge ke paolos a motonsrolos. Elos in oayapa sumuslah ke kosrusru in motonua in lohm selos a ke nien utyak lun kalkal lalos. Ac Elos in luti tulik natolos ke pal elos muta in lohm selos, ke pal elos fufasryacsr, ke pal elos orekma, a ke pal elos mongla. Cycle se inge enenu in orek ke fihl nuke fihl. Mwe read uh tuku in lutikut lah, ke sripen oaru lun mwet matu lasr somlah nu misenge panang God el tia tui in karihnginkut nukewa mutaawack yurin tulik nutin Israel fahsru nu misenge: Lelah kut in sikaleni in akos masap lun God ac luti tulik natusr in oru oayapa.
