Kunokon

Monday April 25 2016
Sifac: Karinginyuck ke Oaru Luhn God
Mwe Read: Genesis 28:13-17

Leum God El God oaru se, kalem ke wulela Lal nusel Jacob ke pacl se el tu mutullac fin acn se pahngpahng Bethel ac oru sie mwemwe. Ke mwemwe se inge, el liye Leum God, ac Leum God El fwak “ Nga fwa sot nusum ac filin tulik nutum acn se ma kom an we inge. Elos ac mauh pukanten oana puk fin fwalu, ac Nga fwa akyokye fwal selos ac akinsewowoye mutun fwal nukewa keim ac tulik nutum, ac Nga fwa wi kom ac loange kom yen nukewa kom ac fwasr nu we. Nga fwa sifil folokin kom me nuke fwal se inge. “
Hebrew 10:23 fwak muh, “ Lela kut in srukya ku finsrak se suc kut fwakak inge, meyen kut ku in lulalfongi lah God elac oru oana El wulela kac.”
Wulela lun God uh wacngin pal se ac tafonglac ku eklac. Wulelah Lal oan na tok ma patpat pacnang fal kut in lulafongi ac filiyac finsrak lasr in El, meyen El God oaru ac paye se in pacl nukewa, El karuring kut ac ase nusesr me enenu lasr.

Deaconess Sepe Kilafwasru