Kunokon
Sunday December 4 2016
Sifac: Isusla Luhn Jesus Fwackyak Meet
Mwe Read: Luke 1: 26-38
Kutu Book in Ma Sumusla ma fahkack ke Isusla lun Jesus pa ke Isaiah 11: 1-10, ac Jeremiah 23:5. Ma sumusla inge fahkak kalem ke tuku lun sie Tokosra suc ac tuku ke fihlin tulik natul David.
Na Oana ke Luke el srumun uh, el kalweni in fahkak ke isusla lun Jesus. Mwe read uh fahk pac ke sulkakinyn tuku se inge lah lupufan se lun God wi sulkakin. Ahkalemye pac lah sie ohiya na usrnguk pa fahk ke isusla se inge. Sie mutan virgin pa ac oswella uh, su eklac liki na ohiyen isus ma mwet uh etu kac uh. Mwe read uh akkalemye pac lah mutan fusr se inge sie mutacn pusisal ac ohi sin God. Fwackyang pa insewowo nu sin mutan fusr se inge lah in el pa nina kien Messiah se inge uh.
Oana kalem uh, mwe lutlut se inge finne mah, kuh kalweniyuk na ke pulan pacl se inge ke yac uh, tu yok sripac kut in wi pac fahk kulo kac. Kalem lungse paye lun God nu sin mwet nukwewa fin faclu. Paye kut tiana fal in eis molela se inge sin God, a kena sripen lungse pwacye lun God nu sesr mwetu, El supama Wen natul in tu misac ke ma koluk lasr uh. Su kuht uh, ku Wen nutin God in tuku misac in elah ma koluk lasr uh.
Oru fal kuht nukewa in wi engan ac oru kaksak lasr nu sin Leum God ac wi akfuhlwactye isusla se inge ma fwackyuk met inge. Hafa Adai, Iakwe, Kaselehl ac Mele Kalikimaka nu suwos kewa.
