Kunokon
MONDAY: November 07, 2016
SIFAC: “Inkusrao Ac Facluh Se Omeet Ah”
MWE READ: Gensis 1:28- 2:3
Kaksakin kulang lun God nu sesr ne ke pal se inge ac Pain kowos pac nukewa. Kas in luti lun God nu sesr ke Monday(11-07-2016) suc tuku nu sesr in luti kut ac fahk oinge,”Inkusrao Ac Facluh Se Omeet Ah.” Na mwe read nuke sifac se inge tuku ke book in Genesis 1:28-2:3. Kalmeyen Genesis pa Mutawauk.Ke God El oraclah kusrao, facluh ac ma nukewa.El oayapa oraclah mwet uh. Na El akinsewowoyelos ac fahk, “Kowos in isus fahko in pus tuh filin tulik nutuwos fah fasrelik nu fin facluh ac leumi ma inge.”Fakak kalem pa ke book lun Genesis lah Leum God El oru orekma Lal nukewa ke lusen len ohnkohsr. Oinge El akkalemye pac lah ke len ahkitkohsr El tui ac tia oru kutena orekma.Na Leum God El fahkak pac kalem kac lah pa ngan len Mutal(Sunday). Kut eis ma wo puspus tuku sin Leum God me,na yac kut moulkin ma akwucki nu sesr omeet ah ne ke pal se inge? Srackna facluh sac tusruk kut mwet u pa ekuhlah moul uh in tia oana moul se omeet ah ku facluh se omeet ah.
