Kunokon
MONDAY: October 10, 2016
SIFAC: “Mwe Kihte Ke Orekma Luhn Fahkak”
Mwe READ: Ephesus 4:7-13
Kaksakin God Fulatlana lasr ke ma kut pulakin ke moul wowo lasr fasru ne ke pal se inge. Oayapa kulo ke Kas Lal suc El acse nu sesr ac oayapa pain kowos nukewa. Mwe lutlut lasr u fak muh “Mwe Kihte Ke Orekma Luhn Fahkwack.” Book lun Ephesus chapter 4 verse 7-13 pa ahkuhteyac in luti kut ke sifac se lasr nuke Monday(October 10 2016). Paul(sie mwet yoklana lulalfongi la sin God) el simis letter lal nu sin mwet Ephesus tu elos in moulkin ouiyen moul ma fal nu ke srikasrak se ma God El oakiya ke El pahnglolos.Kais sie selos eis tari me sang ke lungkuhlang ,fal nu ke ma Christ El asang nu selos.Paul el fwak kalem nuselos lah kutu me sang inge pa elos in mwet sap,kutu in mwet palu, kutu in mwet sulkakinelik ke Peng Wo,kutu in mwet sropo ac mwet luti. Paul el fwak kalemla el oru ma inge in akoelah mwet lun God nukewa nu ke orekma lun mwet Christian in musaeak monin Christ. Ouinge kut nukewa fah ma sefanalac in lulalfongi ac in etauk lasr ke Wen nutin God.Paul el fwak pa lah lela kut in kwafe kut in sun moul in mwet pwaye, ac kut in oayapa akwot in sun fuhlactacn woiyen moul su oan in Christ.
