Friday May 1 2015
Sifac: Fwakak Suwohsna Ke Kahs Pwaye
Mwe Read:2 Timothy 2:14-1
 |
| Lipan Welly |
Nga e wi kowos mwet nukewa in oana pacl nukewa in kaksakin LEUM GOD fulactlana lasr ke moul lasr. Paing kowos kewa.
Ke
leta sie met lal Paul nusel Timothy, el arulana akkalemye lungse yok
lal nusel, ac panglol tulik pwaye natul in lulalfongi (1Timothy 1:2).
Timothy el sie mwet Christian fusr su welul Paul kasrel ke orekma ac
fufahsryesr lal.
Ke
fufahsryesr se met lal Paul (Orekma:13:4-14:28) el sun acn Lystra pacl
luo (Orekma 14:6, 19). Motkeyuk mu tui luo inge pa Paul el sonol Timothy
ac sou lal. Paul el etu sou se inge la elos mwet na lulalfongi ke kahs
lun God (2 Timothy 1:5; 3:14,15). Mwet lulalfongi nukewa in acn Lystra
ac Iconium elos fahk ma wo kacl Timothy (Orekma 16:2). Paul el usal ke
fuhfashyusr akluo lal (Orekma 15:36-18:22).
Kut
etu pa ke fufahsryesr aktolu lal Paul (Orekma 18:23- 21-14) lah Timothy
el wi pa kasrel in fwakelik Kahs lun God. Elos kewa pulakin ma wo ac ma
upac pukanten ke fufahsryesr lalos. Ma sefanna nga etu pa Ngun Mutal el
akkalemye nu sik tari lah kapir ac mwe lokoalok soaneyu in siti nukewa
nga ac som nu we (Orekma 20:23).
Ma
upac Paul el palukin ku liye inge wi lungse yok lal nusel Timothy, oru
el sifil simusla leta akluo nusel in akkeyacl ke kulansap lal. Leta se
inge pa kahs safla nusel Timothy in fahkak moul lun mwet Christian se.
Ip srisrik se tuku ke leta se inge sapta 2:14-19 Fwakak Suwohsna Ke Kahs
Pwaye. Paul el etu lah pacl lal fototome nuke pal in nununku lal, el
kwafe nusel Timothy tuh elan tia ngetla liki Kash lun God. Kahs lal pa
kut enenu in read i pacl nukewa.
Paul
el sapkin Timothy elan akkeye mwet Cristian wial tuh elos in tia esla
pacl akukuin ke ma tia yok sripac tuh wangin ma wo ac tuku kac. Mwet
luti kikiap arulana lungse srelik mwet uh ac suk na tuh in wangin
insese. Kom in forla liki srasram lusrongten wangin sripa, tuh ma inge
mwe akloesyalik mwet uh liki God (v16). Paul el liye na paye lusrongten
inge ke fahsr lal ke lusen year na pukanten. Ma nukewa kut liye misenge
uh facebook, television kuh drive ke acn kom oasr we, arulana oasr mwe
sruf e tuku sun kut.
Kut
sifilpa liye la lungse yok pa oru Paul el simisla leta se inge akkeye
wen lulalfongi fuhsr natul tuh elan tia som liki Kahs lun God. Kahs lun
God kut nofon etu tari lah wangin sutuu kac. Pa inge ma kut enenu in oru
oana ke Paul el oru, akkesmakin tulik natusr e mwet Christian wiasr
kewa lah enenu na kut nofon in tu ku ke suwohs lun Kahs Lal. Tia mekin
in fwakak suwos lah ac tia tui in fwakak nusin su enenu in pacl nukewa.
News wo uh ma nusin mwet nukewa, Jesus El tuku misa ac moulyak kut nofon
in moul ma patpat. Sifil kalweni kaksak lasr kewa nusin God.
