Kunokon

Friday August 26 2016
Sifac: Luhngse ac Ma Sap Uh
Mwe Read: 1 John 3:4-11

Kulo kaksakin LEUM GOD ke moul lasr ac paing mwet nukewa. Ke letter lal John el fahk lah kut lungse, mweyen God El lungse kut meet (1 John 4:19). El akkalemye pac lah kut in lungse sie sin sie mweyen lungse uh ma sin God me (1 John 4:7). Nimet kowos lungse faclu, ku kutena ma lun faclu. Kowos fin lungse faclu, kowos tia lungse Papa (1 John 2:15).

Lungse el mongfisrasr ac kulang; lungse el tia sok, lungse el tia sifacna konkin, el tia inse fulat; lungse el tia oru ma sufal, el tia nunku kacl sifacna, el tia sa in mulat, el tia oakla ma koluk orek nu sel. Lungse el tiana fuhleak; el lulalfongi ac finsrak ac muteng in pacl nukewa. Lungse el tiacna wanginla (1 Corinth 13:4-8a). Wangin sangen in lungse. Lungse pwaye uh lusak sangen nukewa lasr uh. Ke ma inge lungse el tia oan fonla in kutena mwet ma sangeng uh, mweyen sangen el ma wien akkeok uh (1 John 4:18).

Lungse pa yohk sripac emeet ke ma nukewa kut oru. God El lungse kut nukewa oru El supama Wen sefanna natul in misa ac moulyak ac elah ma koluk lasr. Facluc se inge seseslah ke lohsr. Kalem se ma kut nukewa enenu uh tuku Yurin God mukena, ke Wen natul Jesus Christ. Wangin kalem kuh lungse facluc se inge ku in use nusesr. Mwe asor mukena pa kut ac eis ke sripen sin nature se kut nukewa puctat yang nuke. Ke Adam ac Eve seakos ma God El sapkin kut nukewa tufaclac liki akwuk suwos Lun God.

Pweng Wo tuku ke Wen natul in sifil aksuwusyekut lac nukewa kuh moli kut lac liki sin nature se lasr inge, ke sripen lungse yohk Lal. Mwet nukewa orekma koluk, ac elos nukewa tia sun lupan wolana se ma God El akoo nu selos (Rom 3:23). Kut enenu in sifil akesmakinyekut lah molin ma koluk pa misa; a mwe kite lun God pa moul ma pahtpat yurin Christ Jesus Leum lasr (Rome 6:23).

Mwe lutlut se inge sifil kalweni lungse se inge suh God mukena pa ku in use nusesr ke (v11): pa inge mwe luti su kowos lohng ke mutawauk me: kut enenu in lungse sie sin sie. Kut enenu in akolla in pacl nukewa in lungse ac nunakmunas nusin mwet suh oru ma koluk lain kut oana ke kalyeiyuk Jesus Christ na ne ke El acnwuki. Akwuk lun God uh akwuki ke lungse kawil Lal nusesr kewa.

Kut mwet lulalfongi uh enenu na in akolla in folokin ma orek koluk nusesr ke lungse. Wangin sripen moul lasr efin wangin lungse kac. Kut nukewa fototo lac ac enenu na God in moul lasr. Jesus el fahk, “Nga fahk na pwaye nu sum: sie mwet el fin tia sifil isusla, el koflana liye Tokosrai lun God (John 3:3). Kalem tuku mukena ke pacl se kut sifil isuslac ac e kalem ke fahko lun Ngun pa lungse, engan, misla, mongfisrasr, kulang, orekma wo, oaru, pusisel, sifacna leum fac, (Gal 5:22-23).

Kulo kaksakin LEUM GOD lasr ke lung kulacng yohk Lal ac sifil paing mwet nukewa. God bless!