Kunokon
FRIDAY: September 30, 2016
SIFAC: “Jesus, Ahksuwohsye Ma Nuhkwewa”
MWE READ: Colossae 1:15-20
Srui yohk in wi mwet nukewa kaksakin LEUM GOD lasr. Paing mwet nukewa ac God bless. Wangin mwet suwohs oana Jesus Christ. Kut tia ku in judge i mwet meyen wangin suwohs lasr. Ke kut seakos akwuk suwohs lun God ke garden Eden kut putatyang nuke sin nature se inge. Mwet nukewa orekma koluk, ac elos nukewa tia sun lupan wolana se ma God El akoo nu selos (Rom 3:23).
Jesus mukena pa ku in aksuwohsye sin nature se lasr inge uh. Christ el oana luman God, su kut tia ku in liye, ac el pa Wounse, su fulat liki ma orekla nukewa (v15). Tuh ke el, God El orala ma nukewa inkusrao ac fin faclu, ma liyeyuk ac ma tia ku in liyeyuk, weang pac ku lun ngun inge nukewa: leum, ac mwet kol, ac wal fulat ma oan yen engyeng uh. God El orala ma nukewa inkusrao, fin faclu, ac yen engyeng uh kacl ac nu sel (v16).
Kut lulalfongi ke God Papa, God Wen ac God Ngun Mutal (Trinity); God sefanna existed in three person. Pacl se na kut forlah liki sin nature se lasr inge ac lulalfongi ke Jesus Christ, lah El anwuki, misa ac moulyak, God Ngun Mutal el mutawaek in aksuwohsye moul lasr. Kowos akmoulyeyukyak yurin Christ, ke ma inge, kowos in sang insiowos in nunku ke ma su oan lucng, yen Christ El muta fin tron lal; lac po layot sin God (Col 3:1).
Christ el nuna oasr meet liki orekla ma nukewa, ac ma nukewa oakwuki wo in acn se ke sripal (v17). El pa sifen church, su pa manol, ac el pa sang kuiyen moul nu ke mano. El pa Wounse, su akmoulyeyukyak liki misa, tuh in el pa oemeet in ma nukewa (v18). God Wen El molelah faclu nofon ke sripen lungse yohk lun God Papa. God Wen El pa misa ac moulyak in use molela ma pahtpaht nu sin mwet nukewa su lulalfongi in El.
Wangin inkenak saye ku in use moul ma patpat se inge sayen Jesus Christ; El mukena pa ku in aksuwohsye moul lasr kut in forlah oana El. Jesus El topuk ac fahk, “Nga pa inkanek, ac pwaye, ac moul; wangin mwet som nu yurin Papa fin tia ke nga (John 14:6). Srui kaksakin LEUM GOD ke inkenak in moul su tuku nusin mwet nukewa suh lulalfongi in Wen Natul; sifil paing mwet nukewa ac God bless.
