Kunokon
FRIDAY: September 02, 2016
SIFAC: Kasru Enenuh Luhn Mwet Ngiac
MWE READ: Phillipi 2:1- 11
Letter lal Paul nu sin mwet Philipi, kalweni in akkeye ac akacsmakinye mwet Christian nukewa. Nu selos in pal so ac nu sesr pa misenge. El srumun ke pusisal lun Christ, Leum Fulat Omeet se ma isusla nu sin mwet, moul in mwet inmasrlon mwet in pacl so, kulansupu mwet nukewa, tiac sulaclah lah suc. Wolana Lal, Pusisal, Muteng ahlukela pacna oru lun mwet u. Kut mwet uc siac enenu ku finsrak lasr kais sie ac tiac elyah sin mwet ngiac. Christ Jesus El tuku pusisacl, lahfukunulah ke Fulactlacna Lal in kasru mwet facluh, ac in Misa kena sripen El finsrak tu kut in moullac. El tuku pusisacl, moul ac kulansap ke pusisal ac oayapa misa ke oiya na pusisacl.
Su inmasrlosr kuc in oru oiayac inge? Ku nga kom ku in lafukunla in kasrel el ngiac? Fukah tarilac lasr ke kut etu ke sramsram ke Christ? Ku nga kom SRUI kuh kut PILESRU?
Leum God Papa Tumal sifacna… El akfulatyel! Kusrao ac Faluh epasr nu Sel ac Sang Kulo. Kut fin SRUI, kut folokin ke oiyacsr misenge. Lahfukuhnlah ma pilesr luhn faclu ac kisakinkutyang nu Sel ke Pusisal ac Luhngse Kawul oacna El oruh nuh sesr ac oacyapac in oru nu sin mwet nukewa ac in tiac nuhnkuh kacsr sifacna.
