Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon
By Lipan Welly

Friday July 3 2015
Sifac: Leum God El Akfahsrye Nununku
Mwe Read: Psalm 9:15-20

Lipan Welly

In oana pacl nukewa sifil pac wi mwet nukewa in akilen ac akfulatyac LEUM GOD lasr ke moul wowo lasr kewa. Sifil paing mwet nukewa ac akesmakinye kut nofon lah moul lasr uh enenu na in an ke koko Lal in pacl nukewa.

Psalm 9 motkeyuk muh simlac ke pulan pacl se tulik nutin Israel tuh folok liki kapir lalos fin acn Babylon ac tuku na Judah. Pacl se inge Persia (King Cyrus; ca 539 B.C.) pa leumi mutunfahl nukewa. In oana ma simlac ke buk lal Ezra 1:1 LEUM GOD El oru tuh kas ma El tuh fahk nu sel mwet palu Jeremiah in akpwayeyuk. Psalm soko inge fahk ke nunuku suwos Lun God.

Mwe read lasr uh mutawaek ke (v15) akkalemye la mwet pagan elos sifacna pukanak luf se ac putatyang nu loac; Elos sruhu ke sruhf lalos sifacna. Kut nofon etu tari lah kut nofon fotolac ke moul lasr. Kut nofon mwet koluk ac enenu God Fulatlacna Elan moli kut lac. Efin kut tia tuku na Yorol in suk moul na kut sifacna sruhu ke sulaclah sutuu lasr sifacna. God El use ku lasr kut in sifacna oralla sulaclah lasr. Kut nofon etu pac tari lah oasr acn luo i yena pah Bible natusr uh luti kut kac su pa moul ma patpat ku muta in e ma patapat. Pa inge sulaclah se ma yohk sripac emeet nusesr nofon.

LEUM GOD Fulatlacna lasr El na oakiac inek lasr nofon ke mutawaek fahsru. El na sulekutlac nofon e ke mutawaek ah na misenge. Month na fon sac kut liye forlah lun tulik nutin Israel inge ke pacl na loeloes. LEUM GOD El ac nununku nofon kais sie sesr ke suwos Lal. Mwe read se inge srumun lah misa pa saflaiyen mwet koluk nukewa (v17). Kut nofon mwet koluk (pagan). Oasr kain in leng ke kas se inge; pagan, tusruktu kut nofon etu lah efin kut fahk ke leng se kut nofon etu pah: elos su tia lulalfongi ke LEUM GOD Fulatlacna. Elos su ngetlah liki God.

Kut etu lah ma sefanna pa oru kut nofon ngetlah liki God; pah satan, el tuku na inmasrlosr in pacl nukewa oru orekma kikiap lal in pacl nukewa. Satan el etu tari lah el e som nuke acn koluk se su oan sanel, ac inge na el suk na in pukanten mwet welul na we. Innek moul soko fanna kut nofon etu ke kut srikme fahsru na misenge, pah Jesus su Wen se fanna Natul. Kut luti ke ma simlac tari lah El tuku misa ac moulyak tari ac esla pac ma koluk nukewa lasr su lulalfongi in El.

Mwet Kosrae nofon etu innek soko inge ke sripen lung kulacng Lal nusesr. Kut matu lah ke acn se mukena fwin faclu su tuku na yorol ke Sunday nukewa ac oru akfulact lasr Nusel ke lotutacng nuke fongeni; len na fon se. Wangin ma kut oru sayen on ac kaksakin El su sang mwe insewowo yohk Nusel. Kut nofon sifil pac enenu in asmak ke innek ma oasr su God El use ke Wen sefanna Natul. Efin kut forlah liki God pa nunuku sowus Lal e tuku ke mwe asor mukena. Kulo sifil paing mwet nukewa ac kulo kaksakin God ke pacl na wo lasr.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.