Kunokon
FRIDAY: July 28, 2017
SIFAC:”Lwelah Nuhnuhkuh Suwohs In Asrelah Oacna Kof Uh”
MWE READ: Amos 5:18-24
God el sapkihn nuh sel Amos tuh elan som fahkwack ke kaiyuck ac nuhnuhnkuh lal nuh sin mutuhnfacl Israel ac nuh selos suc muhta tapna lwen se ma ac mau tuhkuh; suc finsrak lalos muh God el ac fah molweloslac liki kohs lalos. Tuhsruhk tuh Amos el ahksuwohsye nuh selos ac oruh fwahkwack lal lah, lwen se inge ac mau tuhkuh ac oana sie lwen na lohsr ma wangihn kalem kuh in tohlwack. Kalmeyac an pa kaiyuck luhn God ac fah mau puhtati nuh sin facl Israel ke sripen koluk lalos. Ac ke muhtuhn facl Israel lihkekelac na ke koluk lalos. God el fah mau oruh tuh elos in koflah na kahingkuhnlah lohsr suc tuhkuh nuh faclos. Ohiyen alu ac kaksak elos oruh ac nuh sin God suc fahkwack ke luhlahfongi lalos nuh sin God, tuhsruhk ke elos sikalweni in suk ohiyac suhfal ac orekma koluk luhn facluh in sang lain akwuck luhn God. God el ac fah oruh tuh lwen se inge in mau mwe kaiyuck nuh sin muhtuhnfacl Israeal ke sripen elos likekelac na ke orekma koluk lalos. God el fah oruh tuh elos in muhta in lohsr upac suc ac fah kahingkuhnlah kaiyuck luhn God inge. God el kena tuh mwet lal in alu ac kaksakuhnuhl ke inse pwacye muhkwena. ac ahkfuhlwact ac kaksak lalos in fah mwe insewowo nuh nuh sin GOD ac elos suc sang na pwacye insiac in sokol ac alu ac ahkfuhlwact yacl fah moul ac ohi yurin God.
