Kunokon
Friday July 22 2016
Sifac: Kahsruh Sin God
Mwe Read: Psalm 42
Lungse pa Sang Kulo ac Kaksakin Leum God ke moul luk meet liki nga tafela kas lal. Paing kowos kewa pa met nukewa.
Psalm se inge pa mutawacackiyen Book Akluo lun Psalm a Simla sin tulig natul Korah, su srumun ke kisen pray lun sie met muta in sruoh. Korah el ma ke sucu Levi ac el misa ke sripen seakosten lal nu sin God. Na fwilin tulig natul moul oana met sruoh inmasrlon met Israel tusruk elos tiana fuleak in lulalfongi ku fwinsrak lalos nu sin God. Pa me read u fwakak ke pray lalos in kwafe ke kasru lun God tu elan welulos ke me fos, supar, ku oiyac upa nukewa ma putati nu fwelos inge. Kutu pusren kas ma akkalemye ma elos pulakin inge pa fwakyuk in pray se inge, srumun ke soko deer su kena sun soko infwal oyohu, ku me keok su toki fuk oana sie noa lulap toki we acnu, ac ngirngir lun kof putat Oana sie sronot lulap. Payena God el Kulang ac pakoten , fwin Tia ke El ac fwa wangin Engan ac misla yurin metu. Ke ma Inge, nga fwa filiya fwinsrak luk in God ac nga fwa kaksakunul, tu el God luk ac met Lango luk.
God Kulana siefanna lasr metu, ac el akola in Kasrekut ke me siyuk lasr in pal nukewa.
Kulo.
