Kahs In Kol 2023-2024 Printing Version

Click For More Info.

Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

Friday July 1 2016
Sifac: Kikiacp Lain Ma Pwacye
Mwe Read: Ephesus 4:25-32

Lipan Welly
Lipan Welly

Sifil srui kaksakin LEUM GOD lasr ac paing mwet nukewa. Lohsr, koase, ahlohloh ac kikiacp lain kahlem, luhngse, luhlalfongi ac pwaye. Mwe lutlut ke Monday ah fasru na misenge tuku in akesmakinye kut lah oasr inkanek luo iyac na. Oasr acn luo LEUM GOD El akoo nu sin mwet nukewa. Kikiacp lain ma pwaye pa sifac na misenge uh. Kikiacp uh us kut nu ke mwe asor; ac pwaye uh us kut nuke acn in engan kuh insewowo ma pahtpaht. Kikiacp uh tuku oyac mwe?

God El liye ma nukewa ma El orala tuh na wo (Gen 1:31). Ke Genesis 2:16-17 God El fahk nu sel Adam, “Kom ku in mongo ke fokinsak ke kutena sak in ima se inge, sayen sak soko ma asang etauk ke ma wo ac ke ma koluk. Kom fah tia kang fokin sak soko ingan. Kom fin kang, kom ac misa ke len sacnna. Ke sripen seakos lal Adam ac Eve oru: mwet nukewa orekma koluk, ac elos nukewa tia sun lupan wolana se ma God El akoo ne selos (Rom 3:23).

Kom fin kang, kom ac misa ke len sacna! Seakos lalos oru kut nukewa putatyang nuke sin nature se inge. Nga fah oru tuh kom ac mutan se inge in arulana akwasui. Tulik natul ac tulik nutum ac fah alokoaloki pacl nukewa. Fahko lal fah ngalisya kapin nien tulik natul (Gen 3:15). God El na lungse kut meet liki ma nukewa. Gen 3:15 akkelemye lungse kawil lun God nusesr la sie pacl Jesus Christ El ac tuku in moli kut lac liki ma koluk lasr.

Kikiacp tuku ke sin nature se lasr inge; pwaye tuku ke sripen akwuk lungse yurin LEUM GOD. Jesus El fahk, “Nga fahk na pwaye nu sum: sie mwet el fin tia sifil isusla, el koflana liye Tokosrai lun God (John 3:3). Efin kut tia forlah ac sifil isusla (auliyak) ac lulalfongi ke Wen sefanna Nutin God; lohsr, koase, ahlohloh ac kikiacp e nek kut in pacl nukewa. Paul el fahk nu sin mwet Ephesus inge in sisla lumah inge nukewa: sulung, mongsa, kasrkusrak, wowon, wenteisr, ac kutena ma koluk lain mwet (v31).

Paul el tuh sim pac nusin mwet Galatia akesmakinyaclos lah orekma lun ikwa (sin nature) uh arulacna kalem: pa ke kosro, lumah fohkfok, ac ouiya sufal inmasrlon mukul ac mutac, alu nu sin ma sruloala, inutnut, asrungai, amei, lemta, kasrkusrak, nunku kac sifacna, sraclik ac srikasrak kas, sok, sruhi, wowon, ac ma ouinge (Gal 5:19-21).

Ma pwaye uh tuku nu sin mwet nukewa ma forlah e lulalfongi ke Jesus Christ. Efin God Ngun Mutal El ilyahk nu in moul lasr uh, e kalem ke fahko Lal: lungse, engan, misla, mongfisrasr, kulang, orekma wo, oaru, pusisel, sifacna leum fac, Wangin ma sap lain ma inge (Gal 5:22). Verse se ma kalem ke mwe lutlut se inge suh akketeya kikiacp ac ma pwaye: A kowos in kulancg ac mongfisrasr nu sin sie sin sie, ac kowos in nunak munas nu sin sie sin sie, oana ke God El nunak munas nu suwos ke Christ (v31).

Efin kut tia akfahsrye lungse yohk lun LEUM GOD oana ke (v31) ke mwe lutlut se inge akkalemye kut putatyang nuke mwe lutlut kuh akwuk kikiacp. God El tuku in moli kut lac nukewa; El nunak munas nu sin mwet nukewa. Kut nukewa mwet koluk ac kut enenu Jesus Christ inge na. Ma pwaye uh tuku mukena kac kut forlah nu yorol Jesus; forlah ac lulalfongi in El. Kulo kaksakin LEUM GOD lasr ac sifil paing mwet nukewa. God bless!

Facebook

Leave a Reply

Your email address will not be published. Required fields are marked *