Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon
By Lipan Welly

Friday June 5 2015
Sifac: Payena Nununku ac Tuku
Mwe zread: Amos 4:1-6

Lipan Welly

In wi mwet na kewa in oralla akilen ac kaksak yohk lasr nu sin God Fulatlana, ke moul wowo kut nufon insewowo kin ac pulakin fahsru sun pacl se inge. Paing mwet nukewa.

Som liki kuh forla liki God (apostasy) lun mwet Israel (Northern Kingdom) akkalemyeyuk ke 1 Tokosra 12: 25-33; verse 28 akkalemye lah tukun el nunku ma inge, na el orala ma sruloala gold in luman cow mukul lukwa, ac fahk nu sin mwet lal, “Fal tari pacl ma kowos foroht forma nwe Jerusalem in alu we. Mwet Israel, pa inge god lowos, su uskowosme liki acn Egypt!” Na el filiya sie ma sruloala inge in acn Bethel, ac ma se ngia in acn Dan. Forla liki God lun mwet Israel inge na mutawaek e ke koko lal Jeroboam I, tokosra se emeet lun acn Israel tuku sun tokosra ak singoulakosr su pa inge pal se mwet palu Amos el oru sramsram nuselos, elos in forla liki oiyac elos muta kac ac suk ma suwos met liki elos fah eis kai Lun God.

Jeroboam II el tokosra year angngaul sie (2 Tokosra 14:23) ac el orekma koluk lain LEUM GOD oana tokosra se emeet lalos, Jeroboam I. In pacl se ingo yohk kasrpen acn we, ac mwet uh moniyuk nu ke alu, ac wangin lokoalok oana ke simla ke tukakinyen book lal Amos. Mwet palu Amos el akilen lah mwe insewowo inge ma na nu sin mwet kasrup mukena, ac kasrpalos tuku ke inkanek sesuwos, ac ke orekma kutasrik lalos nu sin mwet sukasrup ac mwet munas.

Tukakinyen book se inge akkalemye pac lah moniyuk lun mwet Israel inge nuke alu uh tia orek ke inse pwaye, ac misla lalos tia misla pwaye, a mwe na lumah. Me fahk se ma yohk ke book lal Amos pa: lungse yohk Lun God ke ma suwos. Arulana kalem efin kut readi Leviticus 19:13 lah lungse yohk se lun God inge tia na moul kinyuk ke pacl na leosloes se fin acn Israel. Ke mongfisrasr ac pakoten lun God oru El tu supalah Amos elan sramsram nusin mwet kol lun acn Israel in forla ac auliyak.

Mwe read se inge mutawaek sramsram kin luman mutan fin acn Samaria, fahkin yohk lalos, luhmeyuk nuke cow fat fin acn Bashan. Mutan inge elos oru koluk nu sin mwet munas, ac akkeokye mwet sukasrup. Ac kowos kifasten nu sin mukul tomowos in usot mwe sruhi nimowos. Amos el akkalemye lah LEUM GOD Fulat El wulela ke Ine mutal lal, ac fahk, “Pwayena len se ac fah tuku ke mwet uh fah srumasrkowosla ke ka, ac amakinkowosla. Kais sie suwos ac fah oana soko ik sremla ke ka uh. Motkeyuk muh 930 B.C. Israel (Nothern Kingdom) el mutawaek, ac moul kin sukosok lalos fasruh nuke 722 B.C. ke Israel putatyang nuke koko lun Assyria. Imasrlon year na pakunten God El supa mwet palu in fahk nuselos in forla ac auliyak.

Kut long lah kohs na upac sun tulik nutin Israel inge ke seakos lalos. Mongfisrasr ac lungkulacng Lun God srak oasr ke pacl se inge. Wangin mwet etu lah e tui ngac. Ma kalem tari sikyak ke lungse yohk Lal nusesr nofon, kalem fin sakseng soko su Wen se fana natul misa fac. El srack pang nusesr in pacl nukewa, oana ke El orekma kunul Amos in akesmakin tulik nutin Israel inge in forlla liki ma koluk lalos. Nga ac kom pa enenu in fahkelik ke lungse se inge tuh tulik wiasr, mwet lasr ac oana sie mwet kut etu muh muta ke sukosok lalos sifana in forla ac eis Jesus ke pacl se inge. Rome 6: 23 akkalemye lah molin ma koluk pa misa; a mwe kite lun God pa moul ma pahtpat yurin Christ Jesus Leum lasr. Mwe kite se inge tulik nutin Israel inge pilesru, God El kai fahl nuke suwoswos Lal. Kulo sifil kaksakin God ke moul lasr kewa, asrelah poum, oru in yohk pacl in pray tuh mwet nukewa in forla moul kin lungkulacng Lun God.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.