Kunokon
Friday – June 23, 2017
Sifac: Samson El Kuhtanglah Mwet Philistia
Mwe Read: Mwet Nununku 15:1-8
Samson El Kutanglah Mwet Philistia Mwet Nununku 15: 1-8
God el sulacllah Samson ac orekmakuhnuhl tuh elan ahkfahsrye wuhlwelah lal nuh sin tuhlihk nahtuhl suc muhta in kohs sin mwet Phillistia inge. Tuhsruhk ohiyac lal Samson ac ohiyacn kuhtanglah lal Samson tiac fahsr fal oana ke God el kena tuh elan fahsr kac. Pwacnwacng tuh Samson elan oruh fohlohksahk lal nuh sin mwet Philistia inge tia ke akwuck luhn God uh ke ohiyac insefuhlwact lal sifacna ke sripen kaskucsrak lal, ac inse fuhlwact lal tiacna fahsr oana ke ohiyac luhn God in suk mihs. Ohiyac lal inge pwacnwacng tuh elan oruh fohlohksak lal suc pwacnwacng tuh mwet lokwalok in esuhkwack lohm sin pahpah tuhmwacn mutwacn kiacl ac elos misac.
Oiyen moul in insefuhlwact el tiac ohiyac ma ac sang ahkfahsrye kuh karuhnguhnwacng wuhlwelah luhn God uh ma ac pwenkuhtlac nuhke kuhnanuclac. Luti kuht lah fohlohksahk uh el tiac kuh in oraclah ohiyac mihs inmahslosr ac mwet tuhlan lasr kuh oayacpac nuh sin mwet lokwalok lasr. Kuht in suk moul in mihs ac luhngse oana ke God el supawacma wen nahtuhl Jesus suc tuhkuh ac muhtwacnlah kweok nuhke el srihpsrihp yak fin saksin soko ac kuhtanglah moul upac nuhkewa ke el akkalwemye ke moul in luhngse ac mihs.
