Kunokon
Friday June 10 2016
Sifac: Pwacpa Puhsisacl
Mwe Read:1 Peter 5:1-6
Book se inge, Peter, el simlac in sang akkeyelos nukewa suc readi, oacyacpac nuselos mwet Christian nukewa suc pulakin ma upac ac mwe akkeok ke sripen lulalfongi lalos.
Nuke mwe read se lasr inge, El akkalemye lah mwet se sumusla inge el sie selos mwet elder lun church. El oacyacpac mwet loh kuh witness ke keok lun Christ. El akalemye nusesr tuh kuht in tiac oruh orekma lasr kuh kulansap lasr in ma ac moul a kuht in oruh ke na sripen lungse lasr in kulansap. Tuh ma inge nukewa ac tuh fa moliyuck nusesr ingo in paradise suc ac fa nahwuc tefuro se suc ac fah wangin eflah la. El oacyacpac akacsmakin ye kut mwet fusr in sunakin ac akos mwet matu ac in nokomang nuknuk in loeyuck lun pusisel ac kulansapu sie sin sie tuh pa inge oiyen mwet ma Leum God lasr El akola in kulang nuse.
Nu sesr misenge, kuht in etu lah mwe sruf sik nusesr inge nukewa sikyak in akeokye kuht ac srike kuiyen lulalfongi lasr. Tuh kut fin mutacngla ma inge nukewa kuht ac fah wi eis moul ma pahtpaht se suc kuht mwet Christian nukewa finsraki uh.