Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

Friday May 20 2016
Sifac: Luhlahlfongi Wacngin Mwacta
Mwe Read: Matthew 18:1-5

Lipan Welly
Lipan Welly

In oana pacl nukewa, srui in wi mwet nukewa in kaksakin LEUM GOD lasr. God bless ac paing mwet nukewa. Su fulat oemeet uh? Kut kuh in konaek kisensiyuk soko inge ke Gospel lal Mark 9:33-37; Luke 9:46-48 ac mwe read lasr na misenge uh. Sie akukuin sikyak inmasrlon mwet tumal lutlut lah su selos fulat oemeet uh (Luk 9:46). Pa inge sie oiyac ma mwet uh oasr kac in pacl nukewa; kut ke fulat liki mwet wiasr. Kut ke eis ac tuku in ma nukewa meet liki mwet wiasr.

Luhlahlfongi wangin mwata pa sifwac lasr uh. Na Jesus el muta ac pangonma mwet tumal lutlut singoul luo ac fahk nu selos, “Kutena mwet fin lungse tuh elan meet, el fah oru tuh elan tok liki nukewa, ac elan mwet kulansap nu sin mwet nukewa.”(Mark 9:35). Lungse el tia oru ma sufal, el tia nunku kacl sifacna, el tia sa in mulat, el tia oakla ma koluk orek nu sel (1Cor 13:5).

God Wen El tuku liki wolacna Lal in kusrao in luman mwet se ac oru kulansap Lal. Oana ke Wen nutin Mwet el tia tuku in tuh kulansupweyuk el, a tuh elan sie mwet kulansap, ac sang moul lal in molela mwet puspis (Matt 20:16). Mwet Christian nukewa enenu in fahsr tukun oakwuk ma Jesus Christ El akiac. Ku nukewa oasr sel tusruktu ke sripen lungse, misla, pusisel ac  mongfisrasr yohk lal El likiyac fulat lal in poum God Papa, ac tuku in mwet kulansap se.

Na Jesus el pangonma tulik srisrik se ac sap elan tu ye mutalos, ac el fahk, “Pwayena nga fahk nu suwos, kowos fin tia ekla in oana tulik srisrik, kowos ac koflana ilyak nu in Tokosrai lun kusrao (vv2-3). El su fulat oemeet in Tokosrai lun kusrao uh pa el su akpusiselyal in oana tulik se inge (v4). Ac kutena mwet su eis sie tulik srisrik ouinge inek, el oayapa eisyu (v5).

Mwe lutlut se inge sifil tuku nu sesr in akesmakinye kut lah LEUM GOD El kwase inse fulat. Efin kut suk in tuku meet liki mwet wiasr kut tia fahsr ke akwuk suwos ac inse pusisel lun God. LEUM GOD El liye inse paye lasr oana inse paye ac luhlahlfongi lun sie tulik. Tulik srisrik uh sang luhlahlfongi lalos nukewa nu sin nina ac papa tumaclos. Kut enenu in moul kin luhlahlfongi se inge mweyen wangin mwata kac. LEUM GOD El tuku in moli kut lac. El tia na lungse sie fanna mwet in som liki lung kulacng Lal. Kut enenu in pusisel ke moul lasr ac kulacnsupu Tokosrai Lal ke Lungse. Sifil srui in paing mwet nukewa ac God bless.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.